ข้อมูล
- หมวดหมู่:
- อินเทอร์เน็ตและเทคโนโลยี - ข่าว
- รายละเอียด:
- Voice of America airs 30-minute daily radio news program and 30-minute weekly TV show. Radio programs are available on medium and short waves as well as on the Internet at www.amerikaovozi.com
You can watch the TV show on satellite channel 370 ( ASIASAT-2) every Monday at 15:30 and 19:30 Tashkent time or online at
http://www.voanews.com/wm/voa/sca/uzbe/uzbe1030vb.asx
VOA Uzbek covers Uzbekistan and the rest Central Asia, offers analytical reports on various critical issues and reports on... (read more) - ลักษณะความเป็นส่วนตัว:
- เปิดกว้าง : เนื้อหาทั้งหมดเผยแพร่สู่สาธารณะ
สมาชิก
6 จากสมาชิก 198 คนดูทั้งหมด
วิดีโอ
Voice of America Uzbek - Amerika Ovozi
Joinข้อมูลเบื้องต้น
- ชื่อ:
- Voice of America Uzbek - Amerika Ovozi
- หมวดหมู่:
- อินเทอร์เน็ตและเทคโนโลยี - ข่าว
- รายละเอียด:
- Voice of America airs 30-minute daily radio news program and 30-minute weekly TV show. Radio programs are available on medium and short waves as well as on the Internet at www.amerikaovozi.com
You can watch the TV show on satellite channel 370 ( ASIASAT-2) every Monday at 15:30 and 19:30 Tashkent time or online at
http://www.voanews.com/wm/voa/sca/uzbe/uzbe1030vb.asx
VOA Uzbek covers Uzbekistan and the rest Central Asia, offers analytical reports on various critical issues and reports on... (read more) - ลักษณะความเป็นส่วนตัว:
- เปิดกว้าง : เนื้อหาทั้งหมดเผยแพร่สู่สาธารณะ
ข้อมูลการติดต่อ
- อีเมล์:
- เว็บไซต์:
- http://www.voanews.com/uzbek
- ที่ทำงาน:
- VOA Uzbek #2347, Voice of America
- สถานที่:
- Washington, DC
ข่าวล่าสุด
- ข่าว:
- O'zbek muxolifati yana birlashishga harakat qilmoqda
Vashington
27/10/2009
O'zbekistonda amaldagi tuzumga muxolif guruhlar bugun Belgiya poytaxti Bryusselda anjuman o'tkazgan. Ular iyun oyida "13 may ittifoqi" deb nomlangan tashkilotga asos solib, muxolifatni birlashtirishga bel bog'lagan. Bu muxolifatchilarning ana shu yo'nalishdagi navbatdagi harakatidir.
"13 may ittifoqi" O'zbekistonda faoliyati man etilgan "Erk" Demokratik partiyasi, Shvetsiyada ro'yxatdan o'tgan "Tayanch" musulmon jamiyati va bir necha oy burun Germaniyada faoliyatini boshlagan "Andijon adolat va tiklanish" tashkiloti tomonidan tuzilgan. Maqsad Yevropa jamoatchiligiga tashkilot va uning vazifalari haqida ma'lumot berib, O'zbekiston hukumatiga muxolif barcha kuchlarni o'ziga jalb qilish.
"Erk" partiyasining surgundagi rahbari Muhammad Solihning aytishicha, tarqoq muxolifat yana birlashishga urinmoqda, ammo bu safargi harakat oldingilaridan farq qiladi.
""13 may ittifoqi"ga diniy-ma'rifiy tashkilotlarni ham qo'shdik. O'zbekiston hukumatining repressiv siyosati oqibatida mo'tadil diniy guruhlar radikallashdi. Tashkilotimiz maqsadi odamlarni qo'lga qurol olishga majburlaydigan radikalizatsiyani keltirib chiqaruvchi siyosat sabablarini analiz qilib, g'arb davlatlariga tushuntirishdan iborat. Agar bu tashkilotlarni normal demokratik jarayonga integratsiya qilmasak, ular ham radikal guruhlar qatoriga qo'shilib ketishi mumkin," deydi Muhammad Solih.
"Erk" yetakchisi tilga olgan tashkilotlardan biri "Tayanch" bo'lib, yaqinda Shvetsiyada ro'yxatdan o'tgan. Uning rahbari Muhammadsolih Abutovning aytishicha, musulmonlar ham demokratik jamiyatda yashashni istaydi. Biz tuzumni zo'ravonlik va qurol bilan ag'darish g'oyasiga qarshimiz, deydi Abutov.
"O'zbekistonlik musulmonlar, hukumat aytayotganidek, ekstremist yoki terrorist emasmiz. Maqsadimiz xalifalik emas, tinch va osoyishta jamiyat qurish. O'zbekiston hukumati o'zi iddao qilganidek demokratik bo'lsa, so'z, vijdon va e'tiqod erkinligini ta'minlab berishi zarur," deydi Abutov.
Bryusseldagi anjumanda asosiy mavzu "O'zbekistonda jamiyat radikalizatsiyasi va uni bartaraf etishda muxolifatning roli" bo'lib, unga ma'ruza qilish uchun Britaniyaning O'zbekistondagi sobiq elchisi Kreg Myurrey va Nyu-Yorkdagi Kolumbiya universiteti professori Piter Sinot taklif etilgan. O'zbekistondan tashrif buyurganlar ham bor. Biroq Yevropada faoliyat ko'rsatayotgan, Tolib Yoqubov va Abdujalil Boymatov singari ko'zga ko'ringan huquq himoyachilari Bryusselga bormasligini ma'lum qilgan.
O'zbekiston Inson huquqlari jamiyati raisi Boymatovning aytishicha, muxolifat tanqidni to'g'ri qabul qilishni o'rganishi lozim.
"O'zbekistonda hukumatga moyil to'rtta siyosiy partiya bor. Ular demokratiyadan xoli va qo'g'irchoq partiyalardir. Afsuski, "Erk" va "Birlik" kabi partiyalarda ham demokratiya yo'q, chunki ularning rahbarlari, prezident Islom Karimov kabi, 20 yildan beri lavozimidan tushmaydi. Mana ikki yildirki, bolalar majburiy mehnatiga qarshi kampaniya bo'lyapti, lekin muxolif partiyalar bu aksiyada qatnashgani yo'q. Men so'nggi yarim yil ichida muxolifatni tanqid qilib kelaman. Shu sabab bo'lsa kerak meni Bryusseldagi anjumanga taklif qilishgani yo'q. Tanqidlarimni o'zlariga nisbatan tuhmat va haqorat sifatida qabul qilishmoqda."
Abdujalil Boymatov dunyoviy muxolifatning diniy guruhlar bilan birlashayotganidan xavotirda.
"O'zbekiston muxolifati borgan-sari yashillashib boryapti, ya'ni diniy yo'nalish kuchaymoqda. Ular uchun birinchi o'rinda O'zbekistonda demokratiya va erkinlikni o'rnatish emas, Islom Karimovni hokimiyatdan ag'darish vazifasi turibdi. Undan keyin nima bo'ladi, bu savolga ularda javob yo'q," deydi Abdujalil Boymatov.
Muhammad Solih masalaning bunday talqin etilishiga qarshi.
"Biz dinni faoliyatimizga qorishtirayotganimiz yo'q. Men diniy-ma'rifiy tashkilotlarni nazarda tutdim. Diniy tashkilot boshqa, diniy-ma'rifiy tashkilot boshqa. Biz ijtimoiy aktiv har qanday jamoa kuchidan xalq farovonligi va tinchligi uchun foydalanishimiz kerak. Turkiyani oladigan bo'lsak, u yerda amaldagi hukumat ham mo'tadil diniy tashkilotlardan tuzilgan. Ammo bu siyosatchilarni dinchi siyosatchi, radikal deb atab bo'lmaydi. Bu hukumat eng demokratik reformalarni amalga oshirmoqda," deydi Solih.
"13 may ittifoqi" tashkiloti faoliyati va vazifalari haqida gapirar ekan, "Erk" partiyasi rahbari tashviqotni kuchaytirish kerak deydi.
"Harakatlarimizni O'zbekiston ichida kuchaytirishimiz kerak. O'zbekistondagi izolyatsiya devorini yorib, targ'ibotga, o'zimizni tanitishga, tuzum haqidagi tahlil va fikrlarimizni xalqqa bildirishga intilishimiz lozim. So'nggi yillarda targ'ibot ishlari juda susaygan," deydi u.
Bryusseldagi anjuman ishtirokchilari Yevropa Ittifoqining O'zbekistonga qo'yilgan sanksiyalarni bekor qilish qaroriga norozilik bildirib, bugun ittifoq qarorgohi yonida namoyish qilgan.
______________________________________________
O'zbekistonda jamoatchilik Xitoyga qanday qaraydi?
Malik Mansur
Amerika Ovozi
27/10/2009
O'zbekiston Xitoy bilan harbiy hamkorlikni kuchaytirmoqchi. Mudofaa vaziri Qobil Berdiyev yaqinda Pekinga bo’lib bu borada muzokaralar olib borgan edi.
Jamoatchilik orasida Xitoyning tobora kengayib borayotgan iqtisodiy-siyosiy ta’siriga munosabatlar turlicha. Hukumatdan norozi tomonlar Xitoyni ham bosimda ayblaydi.
Xitoy Markaziy harbiy kengashi raisi o’rinbosari Go Bosyun O’zbekiston bilan aloqalarni yuksak baholagan, ayniqsa, xalqaro maydondagi hamkorlikni.
"Sinxua" agentligi xabariga ko`ra, 23 oktyabr kuni Pekinda O`zbekiston mudofaa vaziri Qobil Berdiyev bilan muzokaralar o`tkazgan Go Bosyun Tayvan, Tibet va Sinjon bo`yicha rasmiy Toshkent tutgan, Xiyoyni qo’llash pozitsiyasi yuksak qadrlanishini bildirgan.
Rasmiy Toshkent Tayvanda, Tibetda kuzatilgan voqealar yuzasidan bayonot bergan, biroq Shinjon-Uyg`ur avtonomiyasi, shuningdek, uyg`urlar namoyishining yaqinda shafqatsiz bostirilishi yuzasidan hukumat ochiq munosabat bildirmagan.
Sharhlovchilar deydiki, rasmiy Toshkent uyg’urlar masalasida biror narsa demasa-da, muzokaralarda Xitoy siyosatini qo`llashi aniq.
“O’zbekiston mojaroviy holatlar yuzasidan biror munosabat bildirishni lozim topmaydi. O’zbekistonni o`zida ham shunga o’xshash biror vaziyat bo`lsa, boshqa davlatlar aralashishini istamaydi. O’zini kuchiga ishonib bartaraf etadi. Andijon voqealari bunga yaxshi misol. Xitoy bu borada biror munosabat, fikr bildirmadi, hatto g’arbiy davlatlar tanqid qilib turgan bir paytda O`zbekiston qo`llagan choralarni yoqladi”, - deydi siyosatshunos Farhod Tolipov.
Mahalliy faollar ayni paytda Xitoyda qamoq jazosini o`tayotgan uyg’ur faoli Husayn Jalilning O`zbekistonda ushlanib, Xitoy hukumatiga topshirilishini rasmiy Toshkentning uyg’urlar bo’yicha pozitsiyasi sifatida ko`rishadi. O’tgan asrdan boshlab Xitoy mustamlakasiga kirgan Sharqiy Turkiston uyg`urlari hozirgacha mustaqillik uchun kurashib keladi.
Turkiy xalqlarning yirik qavmi bo`lgan uyg’urlar Markaziy Osiyo aholisining ham ancha qismini tashkil etadi. O`zbekistonda ular bir necha yuz ming atrofida ekani qayd etiladi. Xitoyda milliy ozodlik uchun kurashayotgan uyg’urlar masalasi O’zbekiston jamoatchiligi va matbuotida taqiqlangan mavzulardan biri.
“Yigirmanchi asrgacha turkiy qavmlar ichida o`zbeklar va uyg`urlarga alohida millat deb qaralishi o`zi noto`g`ri edi. Turkiy xalqlarning hammasi ham, jumladan, o`zbeklarni bu borada biror talab qo’yishga huquqi yo`q, chunki o`zinikini to`liq talab qilib olganicha yo`q. Boshimizdan o`tgan - Xitoy bularni turli narsalarda ayblashi mumkin, lekin hammasining zamirida erksevarlik yotadi”, - deydi sharhlovchi Baxtiyor Isabek.
O`zbek muxolifati Urumchi g`alayonlarining kuch bilan bostrilishini e’tiroz bilan qarshi olgan edi.
“Sharqiy Turkistonga nisbatan bosim juda kuchaygan. Bu anchadan buyon bor, ularning mustaqillik uchun kurashi ham anchadan buyon davom etayapti. Bu kurashni bostirish uchun Xitoy tobora ko`proq kuch ishlatayapti. Biz uyg’urlarni milliy ozodlik harakatini qo`llaymiz. Xitoydagi voqealarni hukumatning haddan ortiq kuch ishlatishi natijasida sodir bo`lgan qirg`inlar deb bilamiz”, - deydi muxolifatdagi “Erk” partiyasi bosh kotibi Otanazar Oripov.
O`zbekiston Uyg`ur madaniy markazi faollari Xitoyda kechgan voqealar yuzasidan munosabat bildira olmaydi. Xitoy hukumati Urumchida g’alayonlar bo`yicha sud ishini boshlagan, hozirgacha g`alayon ishtirokchilarining bir nechtasi o`lim jazosiga hukm qilindi. Xalqaro tashkilotlar jahon hamjamiyatini uyg`urlar masalasiga e’tibor ko`rsatishga chaqirib keladi.
AQShda joylashgan Jahon uyg`urlar kongressi bayonicha, Urumchi namoyishida ishtirok etgan minglab uyg`urlar taqdiri hozirgacha noma`lum qolmoqda.
______________________________________________
Alisher Soipov o'ldirilganidan 2 yil o'tib ham adolatdan darak yo'q
Navbahor Imamova
Vashington
24/10/2009
Hamkasbimiz, "Amerika Ovozi"ga bir necha yillar davomida muxbirlik qilgan Alisher Soipov otib o'ldirilganiga ikki yil to'ldi.
Hayot bo’lganida Alisher bugun sizga nafaqat Qirg’iziston balki qo’shni davlatlar aholisini qiynab kelayotgan muammolar, yechimini kutayotgan masalalar haqida sermazmun reportajlar tadqim etayotgan bo’lardi.
Alisherning hayotiga kim nima uchun nuqta qo’ygani hamon noma’lum. O’shdagi ishxonasi oldida nishonga olingani haqiqat.
Marhum hamkasbimizning otasi Avaz Soipov "Amerika Ovozi" bilan suhbatda, qotillik yuzasidan o’z xulosalarini, adolat va haqiqatdan umidini uzmagan holda o’z dil nolalarini bayon etdi.
Avaz Soipov hali pensiya yoshiga yetmagan, farzandlari rohatini ko’rib, ularning onasiga suyanib, nabiralarining ketidan quvib, hayot lazzatini totib yashash ilinjidagi kamtarin bir inson. Lekin otaxon har safar “O’g’lim Alisher” deganda yuragingiz zirqiraydi.
“Mening o’g’lim Alisher haqiqat qurboni bo’ldi. 26 yoshida otilib vafot etdi. Alisher universtitetda 1-kursda o’qib yurgan mahaldayoq jurnalist sifatida shakllandi. Ilk maqolalari chiqishni boshladi. O’qishni bitirgan mahalda jurnalist sifatida shakllanib bo’lgan edi",- deydi ota.
"Bu hayotdagi qiyinchilik va og’irliklarni boshdan kechirdi, ko’rdi va tushundi. Nimani tushundi? Insonlar orasidagi muomalani, insonlarning kundan kunga hayotga va bir-biriga befarq bo’lib borayotganini tushundi. Qanday tushuntirsam bo’ladi, bilasizmi, u hayotdagi yomonlikka qarshi turdi. Insonlarning manfaatini ko’zladi, kim bo’lishidan qat’iy nazar. Qarab turmadi befarq. Haqiqatni yoritaman deb shu haqiqat yo’lida halok bo’ldi”.
2007 yilning 24 oktabri kechki payt yuz bergan qotillik dunyo bo’ylab qoralangan, xalqaro axborot vositalarida yoritilgan, Qirg’iziston hukumati jinoyatni izchil tergov qilib, qotilni topishga, adolatni ta’minlashga va’da bergan edi. Ikki yil o’tib, adolatdan darak yo’q.
Tergov ishi boshi berk ko’chada. Shu paytgacha nima aniqlandi? Sud qo’lida qanday ma’lumotlar bor? Xalqaro jurnalistik tashkilotlar va huquq himoyachilari tergov natijalarini oshkor etishni talab qilmoqda.
Qirg’iziston rasmiylari mujmal bayonotlar bilan cheklanadi. Go’yoki Alisher otilgan to’pponchaning egasi ushlangan va muayyan shaxs qotillikda ayblanmoqda.
Avaz Soipov bularning hammasi bir safsata deydi. O’g’lining o’limi siyosiy, buyurilgan va chegaraning ikki tomonidan turib uyushtirilgan jinoyat ekaniga uning ishonchi komil.
“Alisherning qotilligi O’zbekiston maxfiy xizmatlari tomonidan amalga oshirilgan. Unga yordam bergan tomon esa Qirg’iziston kuch organlari bo’ladi. Ishning yopiq qolayotgani sababi shu. Ikki davlat organlari tomonidan amalga oshirilgan qotillik. Nega bunday deyapman? Ikki yil davomidagi tergov jarayonlari va boshqa faktlar asosida shu fikrga keldim”.
Ota nazarida Alisherning yonida yurgan ayrim shaxslar aslida o’zbek maxfiy xizmati odamlari bo’lgan. “Hatto o’g’limning otilishiga guvoh bo’lgan shaxs ham”, - deya shubhalanadi Avaz Soipov.
“Menga hech narsa ko’rsatishmadi. Yashirishdi mendan. Men sudda shunday savol qo’ydim: Qani o’ldirilganida uning yonida bo’lgan shaxs, Iqbol Mirsaidov? Nega sud u bilan gaplashmayapti? Nega uni yashirishyapti? U axir Qirg’izistonda, asosiy guvoh shu. Menga rad javobini berishmadi. “Bilmaymiz. Qayerda yurgani ma’lum emas” deyishdi. Uni sudga chaqirishmadi”.
Avaz Soipov Alisherning atrofida yurgan boshqa yana bir necha kishini tilga oladi. Ota fikricha huquq organlari bila turib ularning qilmishlariga ko’z yummoqda. Sabab, deydi u, qotillik baribir qo’shni mamlakat organlariga borib taqaladi. Qirg’iziston, deya da’vo qiladi Avaz Soipov, jinoyat ildizi chuqur ekanini tan olishga, uni fosh etishga ojiz.
Shu yoz Qirg’iziston prezidenti Kurmanbek Bakiyevga Alisher Soipov qotilligi ustidan tergov ishi yakunlangan deya hisobot berilgan. Sud muhokamasi boshlangandek edi, lekin sudya dalil-isbot yetarli emas deb qayta tergov boshlashni buyurgan.
Avaz Soipov “Avgust oyidan beri biror harakat bo’lmadi”, deydi.
“Men ikki yil sabr qildim. Vaqt hamma narsani ko’rsatar ekan. Menda bugun hech qanday shak-shubha qolgani yo’q. Alisherning o’limi buyurtma o’lim, siyosiy o’lim. Va O’zbekiston maxsus xizmatlari orqali amalga oshirilgan. Yana ta’kidlab aytaman: O’zbekiston maxsus xizmatlariga bizning kuch organlarimiz, mahalliy organlar ham yordam berishdi”,- deydi Avaz Soipov.
Alisher yosh edi, ammo o’tkir qalami va faolligi bilan o’ziga yarasha dushmanlar orttirib bo’lgan edi, ham Qirg’izistonda, ham qo’shni O’zbekistonda.
Tanqidiy maqolalari faqat “Amerika Ovozi” va boshqa xalqaro vositalarda emas, uning o’zi asos solgan “Siyosat” gazetasida ham chop etilib, chegaraning har ikki tomonida tarqatilar edi. O’zbek davlat matbuotida chiqqan ayrim materiallarda Alisher Soipov bu yurt dushmaniga qiyoslangan edi.
Bu yosh yigit faqat maqola va reportajlari uchun o’ldirilganiga ishonmaydiganlar ham bor. Alisher nomaqbul to’dalarga qo’shilgan, ekstremist ruhdagi odamlarga yaqin edi degan mulohazalar ham o’rtaga tashlangan.
Alisherning otasi bu da’volarga shunday javob beradi:
“Avval shunday fikrlarga ko’nika olmadim. G’azabim keldi. Fikrni aytishdan burun uni isbotlash kerak. Alisher bunday narsalarga aralashgan emas, bunday hatti-harakat ham qilgan emas. Osmondan olib, kimningdir buyrug’i bilan odamlar bunday tuhmatlarni gapirgan deb tushundim. Ularni tuban bir insonlar deb tushundim. Mening o’g’lim haqida yomon gapirgan insonlar o’z homiylarining pulini oqladi, vijdonini sotdi. Vaqti kelib, bunga ishonaman, ular afsus chekadi. Afsus chekkanlari ham bor. Men ota sifatida aytaman: Mening o’g’lim qandaydir bir terrorist guruhlarga qo’shilmagan. Hizbut-Tahrirga taqashdi, go’yoki Tohir Yo’ldosh bilan uchrashgan deyishdi. Bular tuhmat-ku axir! Alisher bunday narsalardan jirkanardi axir. Ulardan yiroq edi u. Alisher Turkiya va Eronga nega bordi? O’sha aldangan, adashgan, yurtidan qochib ketgan, o’zga yurtda xor bo’lib yashayotgan odamlar taqdirini bilgani, ularning hayotini o’rgangani bordi. Nega bu insonlar quvg’inda degan savolga javob qidirdi? Nima bu yomon ishmi? Men undan so’rardim: “Alisher, qanday yashayapti ekan ular?” Alisher ko’zi namlanib gapirar edi, “Dada, hayoti juda og’ir, hech qanday huquqi yo’q, qiyin ahvolda yashashyapti”, - der edi. Alisher odamlar bu dunyoda befarq bo’lmay yaxshi hayot kechirishi kerak der edi”.
Alisher o’ta qiziquvchan jurnalist edi. Biror narsaning tagiga yetish uchun kim bilan bo’lsa-da gaplashishga, unga savol berishga tayyor edi. Undan g’azablangan odamlarga hazil bilan javob berar, haqiqatni tan olsangiz yengil tortasiz deya eslatib qo’yardi.
Alisher 2006 yilda uylangan, o’limidan uch oy oldin qizli bo’lgan edi. Yoshgina ayoli Nazokat beva qoldi.
“Bu hayotda yashar ekanmiz, umid bilan yashaymiz",- deydi jurnalistning otasi. "Nabiram, Alisherning farzandi, qizi Zulayho ikki yoshga kirdi. Dada deyapti, oppog’doda deyapti. Xudoga shukur, sog’lig’i yaxshi. Aqlli, sezgir, bir narsani darrov ilg’aydi, tiniq fikrlaydi, xotirasi yaxshi – dadasining o’zi bo’layapti”.
Avaz Soipov o’g’lini shaxsan bilgan va bilmaganlarga “bir og’iz so’zim bor” deydi. Qalb so’zlari…
“Ba’zilarga yoqar, ba’zilarga yoqmas, lekin haqiqat haqiqatligicha qolishi kerak. Bu dunyoda befarq bo’lish kerak emas ekan. Bu dunyoda inson bo’lib yashaganda, 100 foiz holda oqni oq, qorani qora deya olmaymiz. Alisher oq oqdek, qora qoradek bo’lishini xohlardi. Mening aytadigan gapim shu ediki, o’g’lim o’ldirilgach, birinchi kunlari Alisherni maqtab, Alisher undoq edi, bundoq edi, u bilan choy ichganmiz deb yurgan odamlar hozir Alisherning nomini tilga olishga qo’rqishyapti. Buning sababi Alisherni o’ldirib davlat qo’rquv hissini soldi. Qo’shnimiz O’zbekistonda ayrim odamlar, mana battar bo’lsin, ajab bo’lsin degan qabilda maqolalar yozishdi. Men ularga ham sabr tilayman. Bola chaqasi bilan tinch bo’lsin",- deydi otaxon.
Alisherning qotilligi qachon fosh etiladi? Haqiqat, adolat qaror topadimi? Uning yaqinlari, do’stlari va hamkasblari qachon biroz bo’lsa-da malham topadi? Murakkab savollar, lekin ularga javob talab qilmasdan iloj yo’q.
"Xudoga shukur el qatori yashayapmiz. Faqat ko'nika olmayapmiz, Alisherni yo'qotganimizga",- deydi jurnalistning otasi.
"Siz to’g’ri tushuning. Bu narsa hech kimning boshiga tushmasin. Men dushmanimga ham ravo ko’rmayman bu holatni. Men Alisher o’lganidan keyin u haqida yomon narsalarni gapirgan odamlarga ham iymon tilayman. Axir bir insonmiz… Ota-bobolarim, buvilarim dunyodan o’tdi. Xudoga shukur, ayam hayot. Bola-chaqam bor. Ko’nikdim. Lekin Alisherning o’limiga ko’nika olmayapman. To’g’ri, Ollohdan sabr tilayapman. Kundan kunga yaramiz kattalashyapti. Bekorga aytmayapman men, dushmanimga ham ravo ko’rmayman buni. Farzandni yo’qotish, farzand dog’i boshqa dog’, boshqa armon bo’lar ekan”,- deydi Avaz Soipov.
Jurnalistning yoshgina joniga qasd qilganlar xavotirga o’ringa yo’q deb o’tirgan bo’lsa ajabmas.
Alisherdan ruhlangan, unga chin inson deb qaragan, u singari fidoiy va haqiqatgo’y odamlarni bilganlar esa yopig’liq qozon shunday qolmasligiga, bir Alisherning ovozini o’chirsalarda, yana minglab Alisherlar voyaga yetishiga ishonadi.