أصبحت !!!!!

هي كذلك اليوم!!

ﻻ أريد أن أناقش حول هوية قائل هذه العبارة ..لكثرة ما نسبت إلى آباء رغم أنّـهـا ابنة قلمٍ دفعَ ثمناً غالياً لهذه العبارة و غيرها من العبارات الممثالة ....و لكن بس شفت الصورة دخل على راسي المشهد التالي و هو يقسم عليّ أن أطرحه و إني ﻻ أستطيع إلا أن أبر قسمه :
(الـحوار بالأرقام)
مرحباً بكم أعزاءنا المشاهدين في حلقةٍ جديدةٍ من برنامجنا اللحظي !: إطلع من راسي و سكر هالباب، و نرحب بضيوفنا الكرام :... See More
... See More
1- أبو كرشة ..و هو ثوريٌّ منفوخٌ قاتلَ قتالاً مريراً ضريراً في سبيل القضية المركزية حتى تحرر هذا الكرش من أزرار قميصه ...(مونولوج بين المذيع و نفسه :سبحان الثورة و ما فعلت !!)

2-أبـو كـبدة : هـو من أكباد الثورة و صناديد الـسَـهْـرة!، عيناهُ لا تغمضان في الليالي الحمراء يرقص "السلو" حتى مع بندقيتهِ لشدةِ عشقهِ لتاء التأنيث التي أول ما عرفها عن طريق الثورة !!

3- أبو شفة : جبل المنطق و شمس العلوم و بحر الفلسفة و عاصفة الفكر ربُّ البندقية ملهم الثوار كاتب الأسفار بيدهِ مفاتيح كل شيء و إليهِ ترجع الأمور هو الأول و الآخر و الظاهر و الباطن ..(مونولوج في نفس المذيع :ما ضل غير يطالب بميراثه السماوي!!)

4-الآية العظمى و صاحبُ السرِّ الخفيّ و البوح الجّـليّ و الظلِّ العليّ ذو النور البهيّ الرعد صوتهُ و البرق ابتسامته هزيم الرعد و غضب السماء صـاحبُ الـسَّمـاحة قدَّسَ الله كل أسرارهِ بلا استثناءٍ و خصوصاً السرّ السابع عشر و الشر الثاني و التسعون : السيد سنحه ابن الذين خان الله بسبروسه!!

أهلاً بضيوفنا الكرام في أستديو تعالوا تفرجو علينا ..

- المذيع : يعني الحيرة تملكتني اسم الله عليكم كلكم أصحاب تاريخ خياني طويل و شرشحتونا اسم الله عليكم ..فأنا حيران من و ين حبدأ و مع مين

3: ﻻ ﻻ ﻻ رجاءاً قبل ما يبدا الحوار لازم نحط النقاط الحروف حتى كل شخص يعرف مكانه أنا أصلاً شايفكم منحازين بهاي القناة و مثيرين للفتنة...أنا ﻻ أسمح لك أن تصفني مع هؤﻻء الأقزام بالخيانة أنا عميل ذو تاريخ طويل ﻻ يجوز لك يا سيدي الكريم أن تضعني في مصاف الأقزام ..إنتا مفكر كل من خان خان ؟

2 : شو قصدك يا أبو شفة ؟،بطلنا نعجب؟ ، أنا ما بسمحلك أبداً تتجاوزني أنا رقم صعب في هاي المعادلة أنا من يوم يومي خاين أنا انولدت عشان أخون لأني هيك بكون!! و هيك بكون جاوبت على سؤال شكسبير :أن تكون أولا تكون هذا هو السؤال؟،مش متلك يا دوب قاري للصف الرابع ابتدائي "ب" و جاي تعملي فهلوي هون

4: يعني شو رايك انتا و اياه تحكولي قوم خلينا نقعد مكانك!! ،لاني شايفكم مهمشيني و عم بتزاودو علي كأني ﻻشيء يذكر و لكم أنا تاجر ابن تاجر أنا ابن سوق أنا يلي نشفت ريق العدو بالمفاصلة و حياتكم كنا نمضي أكتر من 10 ساعات نتفاصل وﻻ بمل أبداً ما بمل السعر يلي براسي بدو يندفع يعني بدو يندفع ما فيها مزح هاي الأمور أرجوكم كل واحد يلزم حده

1 :يا جماعة يا جماعة عن شو بتحكو انتو؟،يعني شرُّ البلية ما يضحك على كلٍّ أنا من النوع يلي ما بحب أجادل و انا تاريخي واضح و مكشوف للجميع و كرشي خير شاهد ..ضلكم خربطو هاد الشيء لن يؤثر على سمعتي الثورية الطويلة المشاهد ليس غبي ليصدق أباطيلكم هذه حين يرى كرشي المعلق بالسرة !!

المذيع : يا جماعة يا جماعة بكفي بكفي الوقت ضاع و انتو عم بتحطو النقاط عالحروف ،بتمنى منكم تهدو شوي عشان نعرف نحط لو نقطة وحدة عالحروف لأنو هيك ما بنفع فيا ريات تحددو بالضبط وين نقطة الخلاف

1+2+3+4 : "اختلفنا مين يحب الثاني أكثر ..مين يحب الثاني أكثر و اتفقنا إنو إحنا أكثر و هوه أكثر !!!! " .....عرفت و ﻻ لسا؟

المذيع : أعزائي المشاهدين و في ختام حلقتنا لهذا اليوم نهنّئكم و نهنّئ أنفسنا بأننا تمكنا ببرنامجنا هذا و ضع لو نقطة واحدة على الحروف و بإمكانكم الآن أن تذبحوا الـخروف !! و كل عام و أنتم بخروف !.