1️⃣ 基金於 8月28 日發出嘅工作報告中，有一項開支係「616 遊行及籌款 音響開支」。

🔺由於當日遊行中，各民間團體嘅街站，都係為「612人道支援基金」籌款，並將善款全數交比基金。

🔺因此，基金信託人同意分擔籌辦 616遊行嘅部份開支，即係大會租用音響及舞台器材之費用，共 $218,690。

————-———-

2️⃣ 另，基金嘅人道支援，亦都包括提供法律意見，例如舉辦法律講座等。

因此，基金同意提供 6月23日 立法會法律講座之音響開支，共 $28,300。

————-———-

3️⃣ 就提供醫療費用支援，主要做法係由傷者提供單據，實報實銷。

🔺不過，亦有不少個案中，事主手上冇錢，所以基金會按事主需要，彈性處理。

🔺包括先向事主預支醫療費用，或按事主意願，請社工或註冊護士義務陪佢睇醫生，並先代基金為事主比錢等等。

🔺基金希望每位傷者都可以得到所需嘅治療同支援。🙏🏼

————-———-

4️⃣ 目前，基金正忙忙忙忙於處理大量被捕者的個案，包括提供緊急經濟援助、安排醫療及情緒支援等等。🙇🏻‍♀

🔺由接收個案至提供支援，基金係按事主所需嘅緊急程度，儘快快快處理的。

🔺遇有啲非常急嘅情況，基金同事係會即時仆去過數，稍後再約事主簽收補回文件的。

🔺而一般個案，我們都係會盡快辦理。🙏🏼

🔺每個個案，我們都會逐位向事主了解清楚佢嘅需要，話佢聽基金有乜服務，再按事主意願去提供支援0架。

🔺服務包括：借保釋金、法律費用、醫療費用、情緒支援、緊急經濟援助。

————-———-

最後，我們正努力籌備新一份工作報告，希望可儘快發佈。

🔶🔶🔶基金歡迎有需要的朋友，隨時聯絡我們呀，請 WhatsApp 9845-6641。謝謝大家。🙏🏼🙏🏼🙏🏼🔶🔶🔶