Photos
Posts

ممكن, قاسى
و يمكن, أوقات
أيخون فى, أحساسى
لكن, نظيف القلب
........
لا, ما أنميل
و لا أنحمّلك, حملى
أنكان, ثقيل
أحمولك, مع أحمولى
أن ضقت, أنشيل
و لا أنقول, ضايق حمل
==خربشة==

See More
Image may contain: 1 person, smiling, sunglasses and closeup

امتى اتردّى
يا اسعار, زمان
و انخش كيف الناس, للدكان
اتردّى لوّل
و كل حد, من جيبه...
عليك, ايعوّل
مرتاح, ما ايخمّم
و لا ايتسوّل
لا منكسر لا دين, للديّان
==خربشة==

See More
Image may contain: one or more people and closeup
Posts

دير خير يبقى خير, كنّك درت
عالشّر باعد بعد, كان أقدرت
.....
دير خير يبقى خير, كنّك درت
و لا أتقول للى, دايره قصّرت...
==خربشة==

See More
Image may contain: 1 person

الشاعر الرائع:- حازم الصبيحى.
الجو انحسه مش تمام ..
وماعندي نية في شي ..
كساد وفقر وضيق علام ..
أتجي غير اللي تقهر في .....
تبيلي عام أستجمام ..
انقضي نصه في دبي ..
وفي اوروبا باقي العام ..
انهيج في كل دولة اشوي ..
لا فيس ولا كذب أعلام ..
ولا ليبي يفتحلي دي ..
سياحة وأوقات أنسجام ..
أنحس الدنيا بين أيدي ..
صعيبة ثاريته لأحلام ..
الواقع ديما أقرب لي ..
أتقول عام أيمرن ليام ..
وصوت التفجيرات قوي ..
وفوضى وأجواء أنقسام ..
أخبار أتنكد دوم علي ..
هذي بنغازي يا ظلام ..
وحالة يلي فيها حي ..
وندعي ربي فالختام ..
أيفرج قبل العام أيجي ..

See More

ما عاد, تمّا لوّل
رفيقك, رفيقى
مالطريق, تحوّل
اليوم, يا رفيق
ما عاد, تمّا لوّل...
==خربشة==

See More
Image may contain: 1 person, sitting

الشاعر الرائع.- عبد الباسط الفالح.
امبهدلهم دين دكاكين .. المحتاجين .. امعا النزحين .. الليبيين .. المنصدمين .. علي صرف الخمسة وستين
.....................
امبهدلهم مطرا لبلاد .. وهم اولاد .. وتكوين وترقيع بياد ..
الليبي تمنله لمجاد .. اشوال طحين .. وراتب ينزله فالحين ...
ادهكل من شوخة فساد ..
ظلاليين .. كلو حقه بسم التقنين
انكان تكلم قال فساد ..
ايقولوا وين .. اصبر فالوطن ارهابيين
تملح واجنيها ماعاد .. ارقي للحين .. ودولار امعثن تعثين
امنيش رقا الدولار وزاد .. علي اجنيهن .. وزاد علي اثنين وتسعين
استغلال نفوذ امعا احقاد ..
وعالغفلين .. اللي غفوهم موذيعين
الشعب غطس في حرب نكاد
وهم فضيين.. المسؤلين كلو رزق الشعب المسكين
وكلتم دار اعتماد .. فتح في حين ..
الغفلة المسؤل احسابين
............................
امبهدلهم دين دكاكين .. المحتاجين .. امعا النزحين .. الليبيين .. المنصدمين .. علي صرف الخمسة وستين

See More

ما هُو طالب, منها شى
لا طامع, لا ايريد أفتان
حالم تبقى, وطن سوى
ما يظْلم, لا ظالم كان
ايعمْ الخير, و تفْرح هى...
و فى فرْحتها, هُو مطْمان
اتْعمّر, و التعْمير قوى
شريفه, ما فيها خيّان
==خربشة==

See More
Image may contain: 1 person, closeup

الشاعر الرائع:- عبد الباسط الفالح.
علي كل دم دمعتنا اتسيل ابحرقة
وننســــوا بعـــد فتــرة ابدم جديد
من غــــربنا الجــــنوبنا لا شرقة
كــــدانا بـــدل ينقــص ايزيد ايزيد...
وكـــل يوم فينا اتزيد رغبة فرقة
اقلوبنا حجــر صــوان كي الحديد
كبير مســــتواه الحــقد فينا يرقة
فالقـــلب مســــتاصل امعا الوريد
استغرب قلمنا في اسطور الورقة
من افكـــــارنا اللي جــــايا تلميد
مافيش غصن ايمد خاطي عرقه
خوت غير لو الشيطان تم بعيد
ولا عــــاد حمـــراء طايرة لا زرقة
امكمــــــــلين لستنكار والتهديد
انرجوا انقليزي في شواطي برقة
وامريكي العروس البحر بالتحديد
الفـــــــزان باريسي اتجيبه طرقة
هذا الحل للمشكل وكسر القيد
وعشاق الكراسي هاويين السرقة
مـــوش حاســــين ان ابقينا صيد
الكــــل مفـــترس وابلادنا مخترقة
قليلة ســـــيادة كي اتريد اتسيد
من مشهد سياسي ورقته منحرقة
من وضع عسكري محتاج للتحشيد
ومن شعب غارق موش حاس الغرقة
وميت ومــو عـــالم المــــوت اكيد
..
عبدالباسط الفالح .

See More
No automatic alt text available.

واهم انكان, أتْريدنى نجّدّا
ما تعْرفه قدْرى, و لانك قدّا
.....
واهم انكان أتريد
نا أنجيك, (لا) تحْلم...
و حلْمك, زيد
.....
زيد أحلامك
و أرجى, منام
إيجيبنى, قدّامك
انكان جيت
نبْقى, جاى
عكس اقْسامك
تأكّد, أكيد
==خربشة==

See More
Image may contain: 1 person, standing

كلمة آمّى, يا مجملها
وقت اتكون, امعايا هيّا
لكن تبقى, يا موعرها
احذا فاقد, شينه و قوية
........
داعى يا ربّى, تحفظها
و اتعجّل, تشفيه مرضها
و أتصبّر, من كان فقدها
فاقد و الفقدة, مصعبها
صاعب فقد, الأمّ عليّا
==خربشة==

See More
No automatic alt text available.

الشاعر الرائع:- حازم الصبيحى.
لوقلت جاي الخير نبقى هازي ..
والوطن قسمناه في مربوعة ..
وباعو عرب برقة عرب بنغازي ..
ولبلاد اصلآ كلها مبيوعة .....
ياهلي وياناسي وكل أعزازي ..
علي ليبيا كل حد ينصب نوعه ..
البرعصي مغلول مالحجازي ..
وصنديدكم بيفشلوا مشروعه ..
كل حد بفروخه اليوم ايزازي ..
فتنة قبايل بينا مزروعه ..
أيامآ وداعش كان وطني غازي ..
السانات واجد كاينه مقطوعه ..
الا تو طلعوا واجدين كوازي ..
اتقول الكرامة بيدهم مصنوعه ..

See More

الشاعر الرائع:- محمد الممهور.
الشهر الفضيل اليوم هل هلاله ..... الله يجعله ع الوطن ملفى خير
و يبعد عليه القتن و الختاله ..... اللي عايشين و ميتين ضمير
و تشرق البسمه في عيون اطفاله ..... من بعد هيل الدمع و التكدير
و نشوفكم في خير و احسن حاله ..... يا اللي قدركم في العيون كبير

الشاعر الرائع:- محمد الممهور.
يا اللي على كبرة النار تساعد ..... تعال خشها ولاّ عليها باعد
.
تعال اقربها ..... ذوق حر حرقتها و ذوق لهبها
موش غير تعزق في اعواد حطبها ..... الغير يتمروج و انت لابد قاعد...
لفمك اللقمه طايبه مطيبها ..... تبيها و ع اللي يتعبوا تجاعد
.
محمد الممهور

See More

عقّال تبّى
كان, راى خذيت
فى عقْلهم
ما من, عمار لبيت
........
عقّال تبّى توّا
لا اسلاح ينْفع
لا هى, اتفيد القوّا
للصلح نجْنح
كااااان, ريتك جيت
.....
اتريد هى, عقّال
و اتريد وقْفة
عاجلة, فالحال
ما اتقول قلت
و لا ايقولو قال
بالعقل تعْمر
و العمار, ايصيت
==خربشة==

See More
Image may contain: one or more people

قصّرت واجد
فى احقوق
لغيرى,,
انريدا سماح
و تعذرو,,...
تقْصيرى
.....
قصّرت امعاكم
لكنّى,,
حكم اظروف
و غصّبن عنّى
==خربشة==

See More
Image may contain: one or more people, child, outdoor and water

جالى..
جليت الحوش
لكن, راد
.....
عزمى قوى.....
صابر
و صبرى, زاد
=====

See More
Image may contain: outdoor

يا الله فرّجها
و كون امعاها
هى ليبيا, مكْثر اليوم اعداها
.....
يا الله سال الدمْ...
بين خوت كانو, فى زمان لأمْ
لا حال وطن, ولا ضناه اتهمْ
تقْتل وهى, فى قتلها فرحانه
يا الله كون امعانا
و ابعد الكيد اللى, رصد ممشانا
فيها ونحنا, فاقدين ضنانا
خيرة شباب, كل يوم تفقدهمْ
==خربشة==

See More
Image may contain: 1 person, closeup