Pois ben, hoxe estou coma unhas castañolas de contenta. Por fin teño este tesouro nas mans; un libro con acompañamento sonoro que me chegou ao máis fondo, que me soprendeu, que me fascinou e que me reconectou co mundo no que vivo. E tiven a enormísima sorte de traducilo ao galego e ao español, grazas a Kalandraka Galicia!

Quen me coñece, sabe que a natureza, a música e as palabras son as miñas grandes paixóns, así que poder traballar neste libro, onde se funden eses tres mundos, foi un regalo que agardo que vós desfrutedes tanto coma min.

«Todos os lugares, coa súa vasta poboación de plantas e de animais, acaban converténdose nunha sala de concertos, e en todos os recunchos hai unha orquestra única que interpreta unha sinfonía sen igual, onde o son de cada especie encaixa dentro dunha parte concreta da partitura».

Cuberta de Adrià Fruitós
The Great Animal Orchestra