سلېمان له نظرياتي پلوه څوک ؤ؟

باچا دا ليکنه ما دوه درې واره ووئیله او زه ستا د نظر قدر کوم، خو زه دلته يو دوه وضاحتونه کوم غواړم تا ليکلي دي چي سلېمان لايق له نظرياتی پلوه نه کيموسنټ ؤ او نه اخواني ؤ، که نوموړی سياسي مبارزه نه کیمونسټ ؤ او نه اخواني ؤ نو بيا څه کېدای شي؟، معنا هغه د سینټر رائت ډيموکرسي داعي او په افغانستان کې ئې د پاکستان په څېر ګونديز نظام او د يوه داسې ائين رامنځ ته کول غوښتل چي سر چينه به ئې مذهب ؤ، او که دا هم نه ؤ نو بيا به سيدا ساده پښتون نيشنلسټ ؤ او په افغانستان به ئې د تاجکانو، هزارګانو او ازبکانو په مقابل کې د پښتنو د لا سیاسي واک لپاره مبارزه کوله، او که فرض کړه هغه نيشنلسټ هم نه ؤ نو بيا خو اوستری افشن دا پاته دی چي هغه ها پخوانی او فرسوده دراني سلطنت بېرته پر پښو درول غوښتل.

زه دا وايم چي سلېمان لايق دا يو هم نه ؤ هغه پاک او سوچه کيمونسټ او د طبقاتي مبارزې د مخ کس ؤ، هغه ټول عمر د اخوانيانو، ملايانو، پېرانو، خانانو، کرپټو بیوروکرېټانو، مځکه والو، سودخورو، د شاهي نظام د پيلويانو خلاف علمي او سياسي مبارزه کړې ده، هغه غوښتل چي د وطن واک نور د تل لپاره د بزرګرانو، خواريکښانو، مزدورانو، ټرېډ يونينانو مخکښانو، لوستونکو او ځپلو طبقو لاسونو ته ولوېږي، او د انقلاب د راتګ پر وخت دوئ وکړل هم داسې، هغه او د ملګرو غوښتل چي افغانستان د تل لپاره له تيارو څخه واېستل شي، د هغه دا ارمان ؤ چي افغانان هم د نورې منځنۍ اسيا او اروپائي د اولسونو (تاجکو، اوزبکو، جورجينو، ارمينينو، اذريانو، ترکمنو، صلاويانو، يوکرائنانو، روسيانو او نورو) په څېر د سوشلسټ او کيمونسټ نظام په مرسته يوه مترقي، سوکاله او هوسا ژوند ته لاره هواره کړه، د لوږو سپږو، طبقاتي جبر، سماجي ظلم او ټولينزو بې عدالتيو ملا ماته يو پرمخ تللی هېواد بنا کړي، ددې ټولو ښه بېلګه دا ده چي هغه د يوه داسي سوچه سوشلسټ ګوند (پرچم دهړې) د لومړيو لسو کسانو له قطار څخه يو ؤ چي د منشور ټول نقطات ئې له سوچه سوشلسټو او کیمونسټي افکارو څخه اختراع شوي وو، که هغه کيمونسټ نه دی نو دې معنا خو دا شوه چي هغه بيا يو تاريخ تر ټولو لوئ منافق او بې اېمانه سړی دی، ځکه چي د خپل جوړ ګوند له منشور سره مناففت کړی دی، زما په خيال دی چي دا هیڅ امکان نه لري، او نه بايد موږ د هغه نظريات مبهم کړو، خلګو فتوی معنا نه لري ځکه چي تر ټولو زیاتې فتوی خو امان الله خان خلاف ورکول شوې وې خو تاريخ هغه رښتنی او فتوی ورکونکی مخ تورن کړل.

اوس به راشو د هغه ليکلو افکار لور ته ما د سليمان لایق ټول تخلیقي افکار په وار وار او شدمد لوستي دي، څو ورځې مخکې ئې هم يو کتاب پسې ډېر کړېدلی وم خو ښه شو له شفيق سره پيدا شو، د هغه په افکار بغیر له طبقاتي مبارزې او د سوچه سوشلسټ انقلاب له حمایت ما بل څه نه دي ليدلي، او هغه په دې خبره فخر کوي چي زه د خپل اولس اصيل بچی او ځپلو طبقو نمائنده يم، هغه خپل اولس دې رابولي چي راځي نور د دې مردارخورو له چنګل څخه ځانونه خلاص کړو، د هغه په افکارو يوازي د مزدور، کوچي، بزګر او ځپلو طبقو خبره ځائ شوې ده، هغه د ملا سید خان د سر دوښمن او دا ټرائ اېنګل د ټولو برائيانو جړ بولي، بيا څنګه موږ وئیلای شو چي هغه کيمونسټ نه ؤ.

د اروښاد سليمان په افکارو کې ځائ په ځائ د پښتون نيشنلزم څرک هم ليدل کېږي، خو هغه دا شاعري کله هم د افغانستان د پښتنو لپاره نه ده کړې، هغه غواړي چي د لرې پښتونخوا پښتانه د سياسي واک او اختيار خاوندان شي، (باتو ملت غرقېږي) که څه هم د باتور ملت په افغانستان کې هم پروت دی خو غني خان ئې ځکه مخاطب کړی دی چي وروره دا حماسه د کرښې د ها غاړې پښتنو لپاره لیکل شوې ده، په افغانستان کې دننه د پښتون نيشنلزم مسله نشته، هغه وائي موږ دلته ټول يو افغان يو، پنجاب ته هغه هم ځکه غصه دی چي هغه د نړۍ ټول بدمعاشان سره راټول او د دوئ سوچه سوشلست انقلاب ئې ونړولی، دوئ ووژل، بې عزته ئې کړل، جنوني او ترهګر ئې په کې پيدا کړل، البته دا خبره رښتيا ده چي کله ثور انقلاب د نړۍ ټولو بدتهذيبو د مذهب په نوم له هرې خوا سره راګير کړ نو د ثور انقلاب مخکښانو هم کوشش شروع کړ چي خپل مترقي انقلاب د دفاع لپاره مذهبي مقامات راننګوي، پر دې موضوغ اوږد بحث ته اړتيا ده، البته د شنو چایو ډک تموس ضروري دی.