اطمینانیه او د دُعا هیله،

د هیواد د اطلاعاتو او فرهنګ وزیر جلالتماب عبدالباري جهاني چي د اوږدې مودې ناروغۍ د درملني په موخه د امریکا متحده ایالتونو ته سفرکړی، د... تېري جون میاشتي پر اوولسمه او اته ویشتمه یې عملیات په بري سره بشپړ سوي، دامهال یې روغتیايي وضعیت د ډاډ وړ او ورځ تربلي مخ پر ښه کېدو دئ.

غزل

څه وايي په غوږ کي دي شمشاده آسمان څه وايي
سور په وینو لژند د خالق رمضان څخه وايي

اوښ په کیږدۍ کي

سره رېګونه وه د اوړي سره غرمه وه
له عرب سره یو اوښ یوه خېمه وه
کرۍ ورځ یې وه وهلي منزلونه...
تاوده رېګ لکه سکروټي سره اورونه
نور یې نه وو په وجود کي توان د تللو
د سره دښت بادونه نه وه د زغملو
انتخاب یې کړ یو ځای د پاتېدلو
په کېږدۍ کي د غرمې د تېرولو
ځان یې سیوري ته دمه کړ په کیږدۍ کي
اوښ یې پاته سو دباندي په ګرمۍ کي
دی دننه اوښ یې پاته سو دباندي
سوځېدی د لمر له تاوه لاندي باندي
...
په کیږدۍ کي چي عرب یوڅه هوسا سو
ورته یاد یې خپل ملګری پر بېدیا سو
ورته یادي د خپل پلار سولې خبري
چي په غم کي سړی تل وي د ملګري
هسي نه چي دي ملګری په زحمت وي
تاجوړکړی پر خپل ځان باندي جنت وي
ځان شریک په غم کي بویه د ملګرو
انسانان وي که ګورم د ځناورو
ورپه یاد سو خپل ماري اوښ نازولی
چي دباندي ترخېمي یې وو تړلی
...
د خپل اوښ سر یې کیږدۍ ته کړ دننه
په لوی لاس یې غم ته ورکړله بلنه
اوښ چي ولیده مزه د ساړه سیوري
سم یې فکر سو چي دی لاڅه ته ګوري
...
چي د یخ سیوري مزه یې زړه ته ولاړه
ورو په ورو یې وردننه کړله غاړه
دوې ګون‌‌‌‌‌‌ډې نیمه تنه یې کړه ور وړاندي
د څښتن یې کړې باقي شېبې ژړاندي
که هرڅو یې ګرځاوه اوښ زورور وو
په دښتونو کي لوی سوی ځناور وو
پر سړي باندي کیږدۍ سوه ‌‌‌‌‌‌ډېره تنګه
‌‌‌‌‌‌ډارېدی د خپل ملګري اوښ له جنګه
چي کېږدۍ ته یې دننه ټول بدن کړ
د څښتن یې هر ګړی د زکندن کړ
اوښ د ځان کړل د کیږدۍ ټوله کونجونه
د څښتن یې سول په برخه فریادونه
له ناکامه د کیږدیه سو دباندي
سره اهاړ ته سو تنها سترګي ژړاندي
اوښ دننه وو رمباړي یې وهلې
د خوښۍ نارې یې غرونو ته ختلې
د عرب تر زړګي ویني څڅېدلې
له دوو سترګو یې ګرېوان ته اوښکي تللې
د خپل اوښ سره پر ښو کړلو پښېمان وو
اوس د خپل نصیب د لومي بندیوان وو
...
چي پرې ایښی چا خپل کور ته زورور دی
دده غم وي د هغه پر کور اختر دی
نصیحت که د پلرو منئ ملګرو
کورته مه پرېږدئ سړي د زورورو.

غزل

د وطن بخت به بیدار سي زه او ته به دواړه نه یو
توري شپې به یې سهار سي زه او ته به دواړه نه یو