Mataifa yaliyostawi kiuchumi yamehimizwa kushirikiana na mataifa yanayoendelea ili kuwezesha utekelezaji wa Agenda ya Maendeleo ya mwaka 2030. Hayo ni kwa mujibu wa wajumbe wanaohudhuria kongamano la pili la ngazi ya juu kuhusu Ushirikiano wa Kimaendeleo Ulimwenguni linalofanyika mjini Nairobi.

Baada ya mamia kwa maelfu ya watu kuhudhuria Misa ya Wafu kwa ajili ya mwanamapinduzi wa Cuba, Fidel Castro, majivu ya kiongozi huyo wa zamani yanaanza kusafirishwa kutoka mji mkuu Havana hadi mjini Santiago kwa ajili ya mazishi hapo Jumapili, umbali wa kilomita 900. Mchora katuni wetu, GADO Mwampembwa, anamuaga Fidel kwa mchoro huu.

Wanachama wa shirika linalosafirisha mafuta kwa wingi duniani OPEC wamefikia makubaliano ya kuwekea kikomo uchimbaji wa mafuta-kwa mara ya kwanza tangu mwaka 2008.Duru za OPEC zimeliambia shirika la habari la Reuters.Kabla ya hapo wanaachama wa shirika la ubia la OPEC walitoa dalili za hali hiyo kufuatia majadiliano ya kina mjini Vienna.

Shirika la afya duniani WHO limetoa miongozo mipya kuhusiana na upimaji wa virusi vya HIV kutekelezwa na watu binafsi ili kuboresha huduma ya upimaji wa virusi hivyo vinavyosababisha ugonjwa wa ukimwi. http://bit.ly/2gUVXGa

Rais wa Tanzania John Magufuli ameibatilisha hati miliki ya kipande kikubwa cha shamba la aliyekuwa waziri mkuu Fredrick Sumaye kwa sababu halikuwa limeendelezwa. Sumaye naye anasema hatua hiyo imechochewa kisiasa. Miezi michache iliyopita serikali ilianzisha operesheni ya kutwaa ardhi ambayo haijaendelezwa na wawekezaji na kuirejesha kwa wakulima maskini.

Kwa mara ya kwanza kwa miaka 22 iliyopita baada ya mauaji ya halaiki, Rwanda imetangaza kuwashitaki mahakamani wafaransa 20 wanaoshutumiwa na Rwanda kuhusika kwenye mauaji hayo. Mwendesha mashtaka mkuu wa serikali ya Rwanda amesema,idadi hii inaweza kuongezeka lakini upelelezi wa awali unaonyesha watu hao 20 ndiyo watakaofunguliwa mashtaka na Rwanda.

Ungana na Bruce Amani na Isaac Gamba muda mfupi ujao kweye Dunia Yetu Leo Mchana moja kwa moja kutoka studio za Idhaa ya Kiswahili ya DW hapa Bonn.

Mfalme wa kimila nchini Uganda Jumanne hii amefunguliwa mashitaka ya mauaji na kupelekwa kwenye kizuizi chenye ulinzi mkali, taarifa kutoka kwa afisa wa serikali zimesema. Hatua hii inafuatia makabiliano kati ya walinzi wa mfalme huyo na jeshi ambayo yalisababisha vifo vya kiasi ya watu 62.

Mkutano wa asasi za kupambana na kuzuia rushwa Afrika Mashariki umefanyika Tanzania. Washiriki wanataka kufuatilia uhalifu na kuweka mkakati wa kurejesha fedha zinazotoroshwa na kufichwa nje ya nchi. Je, ni katika mazingira yapi bado unakutana na utoaji na upokeaji rushwa?

Je utakubali kufanyiwa upasuaji wa kuziba mshipa wa kupitisha mbegu za kiume kama njia ya kupanga uzazi? Ikiwa wewe ni mwanamke je utamshauri mpenzi wako au mume wako atumie mbinu hiyo ya upangaji uzazi? Sababu zako ni zipi? Sikiliza makala kisha utupe fikra yako.

Mara ya mwisho wewe kusoma kitabu ilikuwa lini na ulisoma kitabu gani? Tuambie kwanini unapenda kusoma, na kama hupendi vile vile tufahamishe.

Kasheshe limendelea mjini Kasese Magharibi mwa Uganda, baada ya mapigano kati ya vikosi vya usalama kuuwa watu 62, wakiwemo maafisa 16 wa polisi. Mfalme wa Rwenzururu Wesley Mumbere ambaye walinzi wake walipambana na jeshi, tayari kawekwa kizuizini na silaha nyingi zimekamatwa. Ni Papo kwa Papo.

Yusra Buwayhid ndiye atakuwa nahodha wako kuliongoza jahazi la matangazo ya jioni ya DW tangu mwanzo mpaka mwisho. Miongoni mwa mada zetu:
- Afrika Kusini: Chama tawala cha ANC kimekataa kupiga kura ya kutokuwa na imani na Rais Jacob Zuma na hivyo hatalazimika kujiuzulu, licha ya kukumbwa na kashfa za rushwa.
- Chama cha Fatah cha Rais wa Mamlaka ya Palestina, Mahmoud Abbas, kimeanza mkutano wake mkuu hii leo. Abbas mwenye miaka 81 amechaguliwa tena kuwa mwenyekiti wa chama.
- Watu 149 wamekamatwa Uganda wakishutumiwa kuhusika na mapigano kati ya wanamgambo na maafisa wa usalama yaliyoua watu 62.
Jiunge nasi kupitia redio yako au kupitia dw.com/kiswahili.

Mshauri mkuu wa rais wa Burundi anusurika jaribio la kuuawa. Ndege iliyobeba wachezaji yaanguka Colombia na kuua watu 75. Vikosi vya Syria vyakomboa thuluthi ya Mashariki ya Aleppo. Ban Ki-moon ashutumu ghasia na mauaji katika Jamhuri ya Afrika ya Kati. Papo kwa Papo 29.11.2016