30-сентябрь күнү Кыргыз Республикасынын айыл чарба, тамак-аш өнөр жайы жана мелиорация министрлигинин айыл чарба өсүмдүктөрүн экспертизалоо департаментинде Туркия мамлекетинин түрк кызматташтык жана коодинация агенттиги (ТИКА) тарабынан берилген жардамды тапшыруу аземи болуп өттү. Бул иш чарага министрдин орун басары А.С.Исаев, Туркиянын Кыргызстандагы атайын жана ыйгарымдуу элчиси Cengiz K.Firat мырза, ТИКА агенттигинин программалык координатору Осман Уста мырзалар катышты.... Бул сапар жардам иретинде 5 тонна буудайдын, 400 кг. төө буурчактын, 400 кг жүгөрүнүн үрөнү, 2 тонна аммиак селитрасы жана 3 тонна аммофос минералдык жер семирткичтери тапшырылды. Департаменттин мүдүрү Таалайбек Айдаралиев келген конокторго департаменттин түзүмү жана аткарып жаткан кызматтары тууралуу кыскача маалымат берип, департаменттин генетиалык банк-лабораториясы, дандын, дан азыктарынын жана сорттордун сапатын экспертизалоо лабораториясы менен тааныштырды. Министрдин орун басары А.Исаев Түрк элине көрсөтүп жаткан жардамдары үчүн ыраазычылыгын билдирип, кызматташтыкты мындан ары да күчөтүү мүмкүнчүлүгн карап көрүүнү сунуштады. Өз сөзүндө элчи мырза лабораториялык корпустарын ремонтоого, адистештирилген заманбап лабораториялык жана техниалык жабдуулар менен жардам берүүгө макулдугун берип, ал үчүн тиешелүү өтүнүч менен кайрылууну сунуштады.