خلاص قلعتي الحجاب؟ ممكن تسمعي بقه
خلاص قلعتي الحجاب؟
ممكن تسمعي بقه
لوهتقري كلامي بقلب مفتوح و عقل بيفكر فده لمصلحتك
أمالو هتقري كلامي و انتي متحفزة للرد على الراجل الحشري اللي بيتدخل في اللي مالوش فيه فالأفضل ما تكمليش و شوفي ليك حاجةتانية أفيد
قلعتي الحجاب لأسباب، إما إنك اكتشفتي إن الحجاب مش فرض و إن الأزهر منح دكتوراه للباحث الفلتة اللي أثبت كده أو قلعتي الحجاب لأنك اتصدمتي في المشايخ و الدعاة أوقلعتي الحجاب لأنه كان حمل تقيل على قلبك و نزولك بشعرك تتمشي في الشارع و المول هيشعرك بالسعادة أو لأن الموجة دلوقتي هي خلع الحجاب و انتي مش هتعومي ضد التيار
أولا:لو حد قال لك أن مافيش في كتب الفقه حاجة إسمها حجاب فهو فعلا عنده حق!!فعلا مافيش في كتب الفقه باب إسمه باب الحجاب لكن فيه باب إسمه باب العورة
إذا إحنا مش بنتكلم عن حجاب مش ملبوس ، إحنابنتكلم عن عورة مكشوفة
ثانيا:لو حد قال لك إن الآية٣٠ من سورة النور بتتكلم عن تغطية فتحة الصدرو ليس الرأس
وَقُل للمُؤمِنَاتِ يَغضُضنَ مِن أَبصَارِهِن وَيَحفَظنَ فُرُوجَهُن وَلاَ يُبدِينَ زِينَتَهُن إِلا مَا ظَهَرَ مِنهَاوَليَضرِبنَ بِخُمُرِهِن عَلَى جُيُوبِهِن
لأن كلمة جيوبهن معناها فتحة الصدر فاسألي فلتة زمانه "ربنا أمرنابتغطية فتحة الصدر بإيه؟" أليس"بخمرهن" والخمار هو غطاء الرأس؟
يعني مش هنشد الشراب و لا هنقمط الجيبة لغايةفتحة الصدر، ربنا اللي خلقنا و عارف اللي يصلحنا واللي يفسدنا قال لنا "بخمرهن على جيوبهن" يعني الخمارو هو غطاء الرأس ينزل يغطي فتحة الصدر
ثالثا:طب و ليه الأزهر منح الدكتوراه للباحث العبقري الشيخ محمد راشد اللي أثبت أن الحجاب عادة و ليس عبادة؟
شغلي مخك و شوفي الكلام ده منشور فين؟
هتلاقيهاكلها مواقع مجهولة عاملها ناس بتكره الإسلام و يريدوا إفساده
أماالأزهر الشريف فأنكر أن يكون هناك أصلاباحث بهذا الإسم و لا شهادة دكتوراه و لاماجستير و لا حتى إبتدائية منحت في هذاالموضوع و آدي لينكات (في آخر المقال) لتكذيب الأزهرعلى موقعه الرسمي و جريدة الأهرام و الدستور و المصري اليوم
فكري شوية
مين من مصلحته يفبرك و ينشر كده علشان يقلعك الحجاب؟
حد بيحبك و عاوز مصلحتك؟
أم حد بيحارب الإسلام و بيدخل لك الأول من باب الحجاب ثم بعد كده هيفضل يدخل من باب اضطهاد المرأة و التفرقة في المعاملةلغاية ما يقضي على إيمانك؟
رابعا:موضوع إنك اتصدمتي في المشايخ و الدعاة و الناس بتوع الدين، هو انتي بتعبدي ربنا و لا بتعبدي المشايخ و الدعاةو الناس بتوع الدين؟
خللي علاقتك بربك اللي خلقك مباشرة واعرفي أن المشايخ و الدعاة بني آدمين زيك بالظبط عندهم مزاياهم و عيوبهم و لهم مشاكلهم زي ما أنت ليك مشاكل بالظبط و هدية مني فيديو"عدم الإفتتان بالمشايخ و الدعاة" اللي عملته من ٣ سنوات لما شعرت بأن الافتتان بيهم سيؤدي لمشكلة كبيرة
http://www.youtube.com/watch?v=H1_ql3p1NAE&list=PLbverWZk7-8Ll_wSyAPdBLl4mMqdNHMc1&index=28
خامسا:إتحجبتي لأن الموجة كانت لبس حجاب و دلوقتي بتقلعيه لأن الموجة قلع حجاب؟ مش مكسوفة؟ هو للدرجة دي شخصيتك ضعيفة؟ هتسيبي نفسك عايشة بعقلية القطيع كده كتير؟ فين شخصيتك و عقلك و قرارك؟فهمتي كلمة النبي عليه الصلاة و السلام ليكي "لا يكن أحدكم إمعة، إذا أحسن الناس أحسن و إذا أساءوا أساء" يعني بالبلدي الواحد منكم مايبقاش طرطور، ربك اللي خلقك بس هو اللي هترضيه و طز في الناس،الناس عمرها ما هترضى
جحاكان راكب حماره وابنه مشي جنبه فالناس قالوا بص الراجل القاسي اللي ما عندوش رحمة، راكب هو و سايب العيل الصغير يمشي على رجليه
فجح انزل و ركب ابنه علشان الناس ترضى
فقالوا بص الراجل بيدلع إبنه إزاي و بيبوظه بقى ىركب و شايف أبوه ماشي على رجليه
فجحا ركب مع إبنه علشان يرضي الناس
فقالوا بصوا الوحشية إتنين راكبين على حمار واحد وهيفطسوا الحيوان الغلبان
فنزل جحا و ابنه و مشيوا جنب الحمار علشان الناس ترضى
فقالوابصوا المجانين، عندهم حمار و ما حدش بيستعمله
فجحا و ابنه لقوا إنه مش فاضل حاجة غير إنهم يشيلوا الحمار فلما شالوه الناس أخدوهم مستشفى المجانين
فهمتي؟
الناس عمرها ما هترضى، خللي مبدأك في الحياة طزفي الناس لو ده هو اللي هيرضي ربي
خللي مبدأك هو "ديني هو لحمي و دمي" أو أقول لك الألتراس علموني هتاف جميل قوي قوليه بأعلى صوتك
أوووه أوووه
ديني و بعشقه
لو كل الدنيا ضده
أنا لازم أنصره
تعالي بقه نحلل هو انت قلعتي الحجاب ليه
صدقيني قلع الحجاب هو فقط عرض من أعراض مرض كلنابقينا مصابين بيه و هو ضعف الإيمان
لما الإيمان بيضعف
الثقة في الله بتضعف
بالتالي الرغبة في ما عند الله بتضعف
ثم بتبدأ الأعمال الصالحة تقل جدا
قلع الحجاب لم يأتي وحده
أنتي آخر مرة قرأت القرآن كان إمتى
وآخرمرة صحيتي تصلي الفجر كان إمتى
وآخرمرة صمتي يوم الإثنين كان إمتى
طب بالله عليكي كده قضيتي الأيام اللي فطرتيها في رمضان علشان العذر الشرعي و لا لم تهتمي
فهمتي بقه إن الحجاب حبة واحدة من حبات كتييييييرةإنفرطت
تعالي نلمها مع بعض و سيبك من الناس
إحناهنعمل العكس
هنزودالإيمان في القلب
تقوم الثقة فيما عند الله تزيد
وبالتالي تزيد عندك الرغبة فيما عند الله
فتتزيني للجنة بالأعمال الصالحة
و نقضي أيام رمضان اللي فطرناها و نرجع نقرأ كلاما لله اللي بيشفي القلوب لكن مش بسرعة وبدون فهم زي زمان، المرة دي هنقراه بتفكرو تدبر لأن القلب زي بطارية الموبايل لو ماتشحنش كل يوم ساعة هيموت و الشاحن بتاع قلبك هو تدبر القرآن طب و نتعلم التدبرفين؟
دي هدية مني غيرت بفضل الله حياة ناس كتير
دورةالتربية الإيمانية بتاعة د مجدي الهلالي اللي أنا استأذنته و أضفت عليها ٢٠٪ فقط و اديتها لناس استفادوا منها جدا بفضل الله في القاهرة و بيروت و طرابلس و لندن و مانشستر و ليدز و شيفيلد
مش هتخسري حاجة
فقطإتفرجي على محاضرة واحدة في الأسبوع واعملي الواجب و بإذن الله ستشعري بسعادةفي قلبك أكبر من سعادتك لما نزلتي بشعرك في الشارع
دورةالتربية الإيمانية
http://www.youtube.com/watch?v=V9QO1azHiFQ&list=PL_b0ZzhDK1Z_eYdfyZfl0-NoY9qEw0yVa
نفي الأزهر لمنح أي شهادة لشخص أثبت عدم فرضيةالحجاب
موقعالأزهر الرسمي
http://www.alazhar-alsharif.gov.eg/Item/264/2
الأهرام
http://gate.ahram.org.eg/News/236458.aspx
الدستور
اليومالسابع
http://www.youm7.com/story/2012/7/31/%D8%A7%D9%84%D8%A3%D8%B2%D9%87%D8%B1_%D9%8A%D9%86%D9%81%D9%89_%D9%85%D9%86%D8%AD_%D8%B1%D8%B3%D8%A7%D9%84%D8%A9_%D8%AF%D9%83%D8%AA%D9%88%D8%B1%D8%A7%D8%A9_%D8%AA%D9%86%D9%83%D8%B1_%D8%A3%D9%86_%D8%A7%D9%84%D8%AD%D8%AC%D8%A7%D8%A8_%D9%81%D8%B1%D9%8A%D8%B6%D8%A9_%D8%A5%D8%B3%D9%84%D8%A7%D9%85%D9%8A%D8%A9/745545
