Posts
Image may contain: 1 person, smiling
مجموعة ريحة البن الثقافية

#الخنساء_بت_المك

العشمان وصاحب الحاجة ديمة بقصدو
والفقران بشيل من مالو خيرو بحصدو
اهلو معادن الدهب الاصيل مابصدو...
دافق مالو مابحسبو ويقول بقتصدو

شيما فيهو موروثات كبار وجدود
كرما منو دافق مابتحدو حدود
فيضان جودو سيلا مابتحبسو سدود
للعشمان مشارع وبيتو مو مسدود

الدخري المأصلة عزتو وانسابو
كرم وفراسه طبعا وارثو من شيابو
بباشر بي بشاشتو ونخوتو وترحابو
ضيوف الهجعة مابلقوهو قافل بابو

ايدو بتدي مابتعرف حساب المدة
وسالطة عزيمة بحلف بي حرام مو هدة
بفقد حوجة الضايق بحل العقدة
بيتلقي ديمة في وقت الصعاب والشدة

قبلتك حرررة مابخافو البجيب الموت
واهلك سمته ضكرانين كرام ورتوت
ابوك وجدك اصحاب عز قديم مثبوت
وتسلم انت دخري الحوبة للبنوت

كرم حاتم محدد في القرش والذاد
وكرمك ات يالليل ماانوجدلو عداد
وقت جات المجاعة وقالو مافي حصاد
كرم الناس مقصر وات كرمك ساد

تعيش ياوابل الرحمة الببل التربة
تساب الله البفك النكبة يوم الكربه
تعيش يامنقذ الواقع الحتل في هربة
رفعت اسم الوطن للجوة والفي الغربة

تسلم ياغتا المستورة يوم الكشفة
يامرق البيوت المابتهدو النشفة
تعيش يامطرة الخير في سنين القشفى
ياكافل اليتيم بيتو وقرايتو و مشفى

تعيش يا الفنجري الجريت عليك النم
وتسلم انت يالنيل التسابك عم
يالباقيلينا ركازّة" تزيل الهم
دفعك دون ضوابط لا عدد لا كم

See More
Posts
Image may contain: one or more people, people standing, nature and outdoor
Mohmed Al Amin

الغناي قال
قدر مايمدحوا الشعراء ويمجدوا ناسن
مو ذي اهلي انا الفي العزه غالق ساسن
أهلي الكل ناس الدنيا هايبين باسن
جعلية وبركزوا سويه فوق عباسن

...

في الصورة : الخال ابوبكر أحمد عطاالمنان والعم السر الحبيب ، والاخ احمد الطيب ..

See More

بنوت دار جعل
جامعات الصفات الفي البنات مفقودة
والشاف دار جعل مااظنو تاني بفوتة

كاسيك الكرم كسوة لباس الكعبة
طايعاك الحروف عندك تساوي اللعبة
ايا الفارس الهمام شيال همومنا الصعبة
ان طالو الجبال عندك بترجرف رّعبة

رمضان كريم ياقبيلة

اللهم صل علي سيدنا محمد وعلى آله وصحبة وسلم

نحن بنعشق القلع الدببك و جابه
نحن بنعشق الراجل الكلمتو مهابه
نحن بنعشق الجاب ام دشر بي نابه
نحن بنعشق اب قد النحاس و ربابه

...

هالة يوسف

See More
دار جــــــــــــعل‎ updated their cover photo.
May 4, 2012
Image may contain: one or more people, people on stage, people standing, wedding and indoor

ساس العروبة وعزهــــا شندي ومتمة دار جعل
صالب السيوف مابجزها شندي ومتمة دار جعل
القال قبيلتي بهزهــــــا ويلقالو قول في دار جعل
شُم الجبال مابلزهــــــا قول الحسود في دار جعل

...

"الفرجوني "

See More

نحن تساب محيط منو القيوف تتهادم
ونحن البي الدمي نهوش في المجال نتنادم
نحن الفي المحاص بي دوشكه مابنتصادم
صغيرنا السيف بعشيو من جتت بنو آدم

...

الخاوية

See More

نحن ال الله من دون الخلق شكرنا
عقب إن فضنا ماظنيتو بصفا عكرنا
نحن قفلنا باب الفرسه ليو سكرنا
نحن ولدنا من بطن الرجال بكرنا

...

الخاوية

See More

ود الخاوية
كم قالعنا من أدروج فحل بي حقو
وكم يتمنا بالشوم البفلت سقو
نحن حنكنا في الحوبات منافر طقو
ضراعنا يهدم الصف أب زخايرآ نقو

نحن إن قمنا توه واصع الصقيعه نشقو
ونحن الحنضل البهلك شميمو وبقو
نحن حديدنا في الميدان بفرح دقو
نحن بنسد الأخوان محل مايرقو
الخاوية

دار جــــــــــــعل‎ updated their cover photo.
No automatic alt text available.

يادرق الشرق انا ليك قاطعة مداين
مادالك جناح وانا كارفة لك حناين
وجعة حرقة الرمضة التسوي سجاين
طلقت فيا وج متل لتكنو كماين
الخنساء بت المك