Սիրելի' Ախուրյանցիներ,
Հարգարժան հայրենակիցներ,
Ինչպես գիտեք, տևական ժամանակ է Շիրակի մարզի Ախուրյան համայնքում կառավարման մեծ ճգնաժամ կա, որի վառ ապացույցն է հանդիսանում ավագանու նիստերի չկայանալը, իշխող քաղաքական ուժի կողմից սեփական թիմակցին անվստահություն հայտնելն ու կրկին նիստերին չմասնակցելը, Ախուրյան համայնքում բազմաթիվ կուտակված խնդիրներին անդրադառնալու և լուծման ուղիներ գտնելու ՏԻՄ իշխանությունների անկարողությունը։
Ցանկանում եմ տեղեկացնել, որ իշխող քաղաքական ուժի հայ...տարարած անվստահությանը պատասխանեց «Քաղաքացիական պայմանագիր» խմբակցությունը` առաջադրելով նախընտրական ցուցակի 2-րդ համար, ավագանու անդամ, Ախուրյանի Բ/Կ-ի տնօրեն Զավեն Մանուկյանի թեկնածությունը։
Այնուհետև,
«Քաղաքացիական պայմանագիր» խմբակցության առաջադրած համայնքի ղեկավարի թեկնածուի, խմբակցության ավագանու հետ փոխադարձ վստահության հուշագիր կնքեցին անձինք` քաղաքացիական նախաձեռնության անդամներ, ովքեր տեսնելով Ախուրյան համայնքի ղեկավարության անգործությունը, անլուրջ վերաբերմունքը իրենք իրենց, այդ թվում` համայնքի ժողովրդի նկատմամբ, մտահոգված էին համայնքի բարեխիղճ կառավարմամբ և իրենց պատրաստակամությունը հայտնեցին այդ կառավարման մաս կազմելու կարևորագույն գործում։
Համագործակցության հուշագիրը` բաց լինելով ցանկացած քաղաքացու, քաղաքացիական նախաձեռնության համար, այսօր, ի ուրախություն Ախուրյան համայնքի և համայնքի ժողովրդի, տեղեկացնեմ, որ այդ նախաձեռնությանը միացել է Ախուրյան համայնքի ավագանու անկախ անդամ Արիստակես Չալոյանը։
Պարոն Չալոյանի միացման արդյունքում Զավեն Մանուկյանը, փաստացի, ունենում է Ախուրյան համայնքի ավագանու 27 անդամների մեծամասնության` 14-ի աջակցությունը։
Սիրելի' Ախուրյանցիներ, այսօր արդեն փաստացի Ախուրյան համայնքի ղեկավարը, Ախուրյան համայնքի ՏԻՄ իշխանությունները չունեն բավարար ավագանու անդամներ` իրենց համայնքում իշխանություն ունենալու համար, իսկ միավորված քաղաքական, քաղաքացիական ուժերը` պատասխանատու կերպով շարունակելու են իրենց գործունեությունը հանուն իրենց համայնքի զարգացման և բարգավաճման։
Սա ևս իրողություն է, և քայլերի հաջորդականությունը ուղղված է լինելու զարգացած համայնք, գերծանրաբեռնված համայնքային իշխանություն ունենալու, Ախուրյան համայնքի բնակչի բարեկեցիկ ապագայի համար։