📖Հայաստանի գրքային քարտեզի կազմումը մեծ հետաքրքրությամբ ընդունվեց ընթերցողական համայնքների կողմից։ Հունիսին գրքային քարտեզին մի նոր գույն ավելացավ, երբ գրքերի շապիկների նկարներով կազմված քարտեզի արևելյան սահմանին գծագրվեց Ստեփանակերտի կենտրոնական քաղաքային գրադարանի գրքապատկերը։

📚Օրեր առաջ մեր էջում հրապարակեցինք ՀՀ հուլիսյան գրքային քարտեզը։ Արցախի գրադարաններից լուր չէինք ստացել, և պատեհ չէինք համարում լիակատար շրջափակման մեջ հայտնված արցախյան գրադարաններից սպասարկված գրականության ցուցակ հայցելը։ Արդյոք ունե՞նք իրավունք համապազօրյա հացի խնդիր լուծող մարդկանցից կարդացած գրքերի ցուցակ ակնկալելու... Եվ իզուր։ Արցախը չի ընկճկվել։ Այնտեղ կարդում են։

🔸Այսօր ստացել ենք Մարտակերտի կենտրոնական գրադարանի հուլիսյան տասնյակը։ Մարտակերտցի ընթերցողները նույն հետաքրքրություններն ունեն, ինչ որ Վայոց Ձորի կամ Տավուշի մարզի գրադարանների այցելուները։

📖Արցախցի հայրենասեր տղաներն ու աղջիկները Շիրվանզանդե, Րաֆֆի և Իսահակյան, Հրանտ Մաթևոսյան և Սերո Խանզադյան են կարդում։ Նրանք էլ, հայաստանցիների պես, կարդում են Ջեկ Լոնդոն, Ագաթա Քրիստիի քրեական վեպերը և Մարկ Արենի «Անատոլիական պատմությունը»։

📜Արցախյան տասնյակում ընդգրկված գրքերի մեծ մասը Հայպետհրատի, խորհրդային տարիների հրատարակություններ են։ Երբ նորից բացվեն Արցախի դարպասները, պետք է քայլեր ձեռնարկել Լեռնային Ղարաբաղի գրադարանները նոր լույս տեսած գրքերով համալրելու ուղղությամբ։