ساعات تصويرة وحدة تغلط. وتخليك تعطي حكم غالط وقاسي على انسان ٫ينجم يتاثر بيه ويطيحلو معنوياتو.. ونحنا التوانسة كثرنالها بصراحة بالتنمر والضحك على خلق ربي والاستهزاء بيهم وبمشاعرهم 😞
وهذا اللي صار لملكة جمال تونس 2024 خلود القاسمي ٫من أمس لليوم..حملات تنمر كبيرة واستهزاء بيها في الفايسبوك.اللي قال.كيفاش يختاروها ملكة جمال 😞 وما تستاهلش وفما حتى اللي قالت أنها عفشة جملة وحدة وانها (اللي تحكي) أزين منها😃
يا ناس اعملو ربي في بالكم واحشمو شوي..وثبتو الساعة قبل ما تعطو رايكم واحكام...كم القاسية.. البنية ماشالله وتبارك الله عليها مزيانة وتحفونة وشخطورة علكيف 😉 وهاوينها التصاور لخرى تثبت هذا..يمكن الصورة اللي انتشرت وهي متوجة باللقب ما ظهرتش جمالها بالقدر الكافي ويمكن الماكياج ما واتاهاش .. أما هي في الأصل مزيانة وتستحق تكون ملكة جمال..ثم أنو المقاييس اللي تعتمدها اللجنة في اختيارها موش كيما نتصوروها احنا..هوما ما يحكموش كان عالجمال الخارجي والوجه اكهو..فما برشا مقاييس أخرى منها المستوى الثقافي. ودرجة تفكيرها وبرشا مميزات أخرى 😉
ولذا يزيونا من التعاليق الفارغة والتافهة.ومن الضحك على خلق ربي والاستهزاء بمشاعر الناس 😞
