ໃນວາລະຂອງການເຄື່ອນໄຫວຄັ້ງນີ້ ທ່ານຮອງລັດຖະມົນຕີ ກໍ່ໄດ້ເຂົ້າພົບຢ້ຽມຢາມ ທ່ານລັດຖະມົນຕີ ກຊສ ສສ. ຫວຽດນາມ. ຫຼັງຈາກນັ້ນກໍ່ໄດ້ນໍາພາຄະນະວິິຊາການ ຈາກ ສປປ ລາວ ຮ່ວມເຮັດວຽກກັບທ່ານຮອງລັດຖະມົນຕີ ພ້ອມດ້ວຍຄະນະວິຊາການ ຂອງ ກຊສ ສສ. ຫວຽດນາມ ເພື່ອລົງເລິກແລກປ່ຽນບັນດາເນື້ອໃນ ແລະ ບັນດາຈຸດສົນໃຈຕ່າງໆ ກ່ຽວກັບ ວຽກງານທີ່ດິນ ຂອງທັງສອງປະເທດ.

ນອກຈາກນັ້ນ, ການເຄື່ອນໄຫວໃນຄັ້ງນີ້ ກໍ່ຍັງປະກອບມີໜ້າວຽກຂອງການແລກປ່ຽນບົດຮຽນໃນຂັ້ນວິຊາການຈໍານວນໜຶ່ງ ຜ່ານການທັດສະນະຢ້ຽມຢາມສະຖານທີ່ຕົວຈິງ ຢູ່ຂັ້ນສູນກາງ ແລະ ທ້ອງຖິ່ນ ເຊິ່ງເຫັນວ່າ ຜ່ານການເຂົ້າຮ່ວມເຄື່ອນໄຫວແລກປ່ຽນບົດຮຽນໃນຄັ້ງນີ້ ເຮັດໃຫ້ຄະນະວິຊາການ ຈາກ ສປປ ລາວ ໄດ້ຮັບຮູ້ບົດຮຽນສໍາຄັນຢ່າງຍິ່ງ ເຊັ່ນ: ຂັ້ນຕອນ ແລະ ກົນໄກການຂຶ້ນທະບຽນ ແລະ ການອອກໃບຕາດິນ ໂດຍສະເພາະ ການຂຶ້ນທະບຽນທີ່ດິນຂັ້ນທ້ອງຖິ່ນ, ການຈັດຕັ້ງປະຕິບັດ ບັນດາລະບຽບການ, ກົດໝາຍ, ນິຕິກໍາ ແລະ ນະໂຍບາຍຕ່າງໆ ເປັນຕົ້ນ.