من #تراث_الجزائر. اكلة #مخ_الشيخ
مخ الشيخ ولا شايخ مخو أكلة شعبية #قسنطينية ترجع لعهد صالح باي، كانوا ياكلوها المرابطين الحنصاليين نسبة إلى الطريقة الحنصالية لي تندرج ضمن الصوفية، هذو الناس أو المشايخ زهدوا عن الأكل وحبوا ياكلوا أكل غير مسرف ومكلّف هذاك الوقت ورجعوا يفطروا صباحا ولا في أي وقت يجوعوا بالزبدة تاع البقرةوالعسل حرّ مع الكسرة، ومع مرور الوقت خرج من الزاوية الحنصالية طابع فني اسمه العيساوة عبارة عن مدائح دينية يعزفوها بآلات إيقاعية كالبندير والطار
مع رقصة التهوال و...هو الطابع المعتمد في الاعراس القسنطينية إلى جانب المالوف كي يكملوا خدمتهم ياكلوا الاكلة هذي باش يقعدوا راسهم وهي الكلمة لي تعني شايخ حسب سياق الجملة لانه تعني القصرة والتمسخير كي نستخدموها في عبارة اخرى، ولما نقولو مخ الشيخ نقصدو بها المخ الزرين المقعد وهذا هو أصل التسمية
وبكري في وقت الجدود كي كان الرخا يدهش والزبدة تاع البقرة ولعسل مش غاليين كان تتباع الاكلة هذي في قسنطينة في رحبة الصوف والجزارين بمبلغ 2 دج بنينة وتشبع.
وكاين تاني #مخ_الشيخ_العاصمي يختلف تماما على هدا درك نديرو في منشور آخر
#طريقة_التحضير_التقليدية
نحط قطعة تاع زبدة البقرة مع عسل حر فوق طاجين تاع الفخار فوق الكانون ونخليهم يذوبوا مبعد بعواد الحلفة يخدمو مغرف يغمسو بها ويحطو فالكسرة وياكلوها
اذا اعجبك المنشور
#شارك_المنشور في المجموعات
#اعمل_اعجاب_للصفحة
#الحلي_التقليديه_الجزائرية
#الأكل_الجزائري
#حلويات_تقليدية_جزائرية
#الجزائر_بعيون_من_يحبها #مرحبا_بالضيف_اللي_جانا_في_الجزاير
#عرف_ب_بلادك_الجزاير
#حب_اللي_يحب_الجزاير
#ارض_جدادي_الجزاير
#الجزائر_المحمية_بالله #اكتشف_الجزائر
#عادات_جزائرية #التراث_الجزائري #تعرف_على_الجزائر_عاداتها_وتراثها #الجزائر_البلد_القارة
