ဖန်တီးနိုင်စွမ်းရှိသော AI မော်ဒယ်များအတွက် အချက်အလက်ကို Meta က အသုံးပြုပုံ

ဖန်တီးနိုင်စွမ်းရှိ AI မော်ဒယ်များနှင့် လုပ်ဆောင်ချက်များအတွက် Meta က အချက်အလက်များကို အသုံးပြုပုံ

Meta ကအသုံးပြုတဲ့ AI

ကျွန်ုပ်တို့သည် ဖန်တီးနိုင်စွမ်းရှိ AI သက်ဝင်ခံစားမှုများကို အဆင့်မြှင့်တင်လျှက်ရှိပြီး ကမ္ဘာတစ်ဝန်းရှိ Meta ထုတ်ကုန်များအနှံ့ ပိုများသော လူများနှင့် လုပ်ငန်းများထံသို့ ယူဆောင်လာဖို့ စိတ်လှုပ်ရှားနေပါသည်။ ဤအတွက်ကြောင့်ပင် ကျွန်ုပ်တို့သည် Meta တွင် Meta AI နှင့် AI ဖန်တီးမှုကိရိယာများကဲ့သို့ ကျွန်ုပ်တို့၏ စုစည်းထားသော ဖန်တီးနိုင်စွမ်းရှိ AI လုပ်ဆောင်ချက်များနှင့် သက်ဝင်ခံစားမှုများကို စွမ်းရည်မြှင့်တင်ပေးသည့် မော်ဒယ်များနှင့်အတူ AI ကို ဖန်တီးတည်ဆောက်နေခြင်းဖြစ်သည်။ လူမှုအဖွဲ့အစည်းအတွင်း သုတေသနပြုသူများ၊ တီထွင်ဖန်တီးသူများနှင့် အခြားသူများကို ပံ့ပိုးကူညီမှုပေးရန် ဖွင့်ဟထားသော ပလက်ဖောင်းမှတစ်ဆင့် မော်ဒယ်များကို အသုံးပြုနိုင်ရန်အတွက်လည်း ကျွန်ုပ်တို့ လုပ်ဆောင်နေပါသည်။

Meta က အသုံးပြုသော AI သည် လူများကို ရှုပ်ထွေးသောပြဿနာများဖြေရှင်းနိုင်ရန်၊ ပိုမိုစိတ်ကူးတွေးခေါ်နိုင်ရန်နှင့် မမြင်မတွေ့ဖူးသေးသောအရာတစ်ခုခုကို ဖန်တီးနိုင်ရန် ကူညီပေးပါသည်။ စကားဝိုင်းတွင် အချိန်နှင့်တစ်ပြေးညီ အဖြေများ ယူဆောင်လာပေးခြင်း၊ လူများကို သူတို့ နောက်တစ်ကြိမ်သွားမည့် အားလပ်ရက်ခရီးစဥ်အတွက် စီမံနိုင်ရန်နှင့် စီစဥ်နိုင်ရန် ကူညီပေးခြင်းမှစ၍ မိမိကိုယ်ကို ထုတ်ဖော်ပြသနိုင်မည့် နောက်ထပ်နည်းလမ်းများကို ပေးအပ်ခြင်းအထိ ထိုကဲ့သို့ သူတို့၏ နေ့စဥ်လှုပ်ရှားဆောင်ရွက်မှုများ၊ အတွေ့အကြုံများနှင့် အခိုက်အတံ့များကို အဆင့်မြှင့်တင်ပေးရန်အတွက် Meta က အသုံးပြုသော AI မှ ကူညီပေးပါသည်။

တာဝန်ခံမှုရှိစွာ ဖန်းတီးတည်ဆောက်ရန် ကျွန်ုပ်တို့ အမြဲတမ်း ကြိုးစားဆောင်ရွက်ပါသည်။ ဖန်တီးနိုင်စွမ်းရှိ AI အလုပ်လုပ်ပုံအပြင် ဤအဆင့်မြှင့်တင်မှု ဖြစ်မြောက်ရန်အတွက် သင်၏ အချက်အလက်များအား ကျွန်ုပ်တို့ အသုံးပြုပုံကိုလည်း သင့်အား သိစေလိုပါသည်။

ဖန်တီးနိုင်စွမ်းရှိ AI ဆိုတာ ဘာပါလဲ။

ဖန်တီးနိုင်စွမ်းရှိ လူလုပ်အသိဉာဏ်တု (ဖန်တီးနိုင်စွမ်းရှိ AI) သည် အကြောင်းအရာကို စိတ်လှုပ်ရှားဖွယ်နည်းလမ်းအသစ်များဖြင့် လျင်မြန်စွာ ဖန်တီးနိုင်စေပါသည်။ ဥပမာအားဖြင့် ဖန်တီးနိုင်စွမ်းရှိ AI ကိုသုံး၍ လူများသည် သူငယ်ချင်းများနှင့် မျှဝေမည့် ပုံများကဲ့သို့ အကြောင်းအရာအသစ်များကို အလွယ်တကူ ဖန်တီးနိုင်မည်ဖြစ်သလို လုပ်ငန်းများသည်လည်း ၎င်းတို့၏ ဖောက်သည်များထံမှ မေးခွန်းများအတွက် ပြန်စာများကို ဖန်တီးနိုင်မည် ဖြစ်ပါသည်။

ဖန်တီးနိုင်စွမ်းရှိ AI သည် ဒေတာဘေ့စ်တစ်ခုမဟုတ်သလို အချက်အလက်များကို အပြောင်းအလဲမရှိ စုစည်းထားခြင်းလည်း မဟုတ်ဘဲ ကွန်ပျူတာမော်ဒယ်များသာ ဖြစ်ပါသည်။ ဤမော်ဒယ်များသည် စာသား၊ ရုပ်ပုံများနှင့် အသံတို့ကဲ့သို့ မတူညီသော အချက်အလက် အမျိုးအစားများမှ အချက်အလက်အစိတ်အပိုင်း သန်းထောင်ပေါင်းများစွာဖြင့် လေ့ကျင့်ပေးထားသော လူလုပ်အသိဉာဏ်တုပုံစံတစ်မျိုး ဖြစ်သည်။ ဤအချက်အလက်များကို လေ့လာခြင်းဖြင့် ၎င်းသည် မတူညီသော အကြောင်းအရာ အမျိုးအစားများအကြား ပတ်သက်ဆက်နွှယ်မှုကဲ့သို့သော အရာများကို သိရှိနားလည်နိုင်သည်။ ဤနည်းအားဖြင့် မော်ဒယ်များသည် လူတစ်ဦးက ၎င်းကို ညွှန်ကြားချက်များ ပေးသည့်အခါတွင်ဖြစ်စေ၊ မေးခွန်းမေးသည့်အခါတွင်ဖြစ်စေ အကြောင်းအရာအသစ်ကို ဖန်တီးပေးနိုင်ပါသည်။ ဖန်တီးနိုင်စွမ်းရှိ AI ကို စာသား၊ ရုပ်ပုံများနှင့် အသံတို့ကဲ့သို့ အကြောင်းအရာမျိုးစုံ ဖန်တီးရန် အသုံးပြုနိုင်ပါသည်။

စာသားထုတ်ပေးသော မော်ဒယ်များ- (LLM များဟုလည်း ခေါ်သည့်) အကြီးစား ဘာသာစကား မော်ဒယ်များသည် ကျွန်ုပ်တို့နေ့စဉ်ပြောဆိုနေသော ဘာသာစကားတွင် တွေ့ရသကဲ့သို့ ပုံမှန်သုံးနှုန်းပြောဆိုသည့် စကားအစီအစဉ်များကို ခန့်မှန်းနိုင်စေရန် စာသားပမာဏ မြောက်မြားစွာဖြင့် လေ့ကျင့်ပေးထားသည့် မော်ဒယ်များဖြစ်ပါသည်။ စိစစ်ဆုံးဖြတ်နိုင်ရန် ကွန်ပျူတာအား လေ့လာသင်ယူစေခြင်းနှင့် မော်ဒယ်များကို ကူညီလေ့ကျင့်ပေးသူများက ပေးအပ်ထားသော လမ်းညွှန်ချက်တို့ကို ပေါင်းစပ်အသုံးချပြီး‌ LLM များသည် အချက်အလက်များထဲမှ သင်ယူလေ့လာပါသည်။ ဝါကျတစ်ကြောင်းကို အပြီးသတ်ခြင်း၊ စာသားကို အခြားဘာသာစကားတစ်ခုသို့ ဘာသာပြန်ဆိုခြင်း သို့မဟုတ် မေးခွန်းများကို စကားပြောပုံစံဖြင့် တုံ့ပြန်ဖြေကြားခြင်းကဲ့သို့ ဘာသာစကားအခြေခံ အလုပ်အမျိုးမျိုးကို လုပ်ဆောင်နိုင်ရန် ၎င်းတို့ကို လေ့ကျင့်ပေးနိုင်ပါသည်။
ပုံများထုတ်ပေးသော မော်ဒယ်များ - ဤမော်ဒယ်များကို ပုံများအပြင် ယင်းပုံများနှင့် ဆက်စပ်သော သရုပ်ဖော် စာသားဖြစ်သည့် ပုံပါစာတန်း သန်းထောင်ပေါင်းများစွာကို ကြည့်ရှုခိုင်းခြင်းဖြင့် လေ့ကျင့်ပေးထားပါသည်။ ယင်းမော်ဒယ်သည် စာသားရှင်းလင်းဖော်ပြချက်များနှင့် ပုံများအကြား ဆက်စပ်မှုကို လေ့လာပါသည်။ ဆက်စပ်မှုကို မော်ဒယ်က လေ့လာသိရှိသည်နှင့် လူတစ်ဦးမှ ထုတ်ပေးစေလိုသည့် ပုံအကြောင်း စာသားဖော်ပြချက်ကို ရိုက်ထည့်လိုက်သည့် အခါမျိုးတွင် ၎င်းက ပုံအသစ်များကို ဖန်တီးပေးနိုင်မည် ဖြစ်ပါသည်။

ဖန်တီးနိုင်စွမ်းရှိ AI မော်ဒယ်များသည် ကမ္ဘာကြီးအကြောင်းကို စက်များ ပိုမိုသိရှိနားလည်နိုင်စေရန် ကူညီပေးပြီး ထိုသိရှိနားလည်မှုကို ဖန်တီးမှုအားကောင်းသော ဖော်ပြချက်အဖြစ် လူများကို ပြောင်းလဲဖော်ပြနိုင်စေသည်။

Meta သည် လေ့ကျင့်ပေးသည့် အချက်အလက်များကို မည်သည့်နေရာက ရရှိပါသလဲ။

ထိရောက်သော မော်ဒယ်များကို သင်ကြားပေးရန် အချက်အလက်ပမာဏများစွာ လိုအပ်သောကြောင့် လေ့ကျင့်မှုများအတွက် မူလရင်းမြစ်များကို ပေါင်းစပ် အသုံးပြုပါသည်။ အများအသုံးပြုနိုင်သောအွန်လိုင်းမှအချက်အလက်များနှင့် လိုင်စင်ရအချက်အလက်များကို ကျွန်ုပ်တို့ အသုံးပြုပါသည်။ Meta ထုတ်ကုန်များနှင့် ဝန်ဆောင်မှုများပေါ်တွင် မျှဝေထားသော အချက်အလက်များကိုလည်း အသုံးပြုပါသည်။ ဤအချက်အလက်များတွင် ပို့စ်များ သို့မဟုတ် ဓာတ်ပုံများကဲ့သို့ အရာများအပြင် သူတို့၏ စာတန်းထိုးများကဲ့သို့ အရာများလည်း ပါဝင်နိုင်ပါသည်။ သင်၏ သူငယ်ချင်းများ၊ မိသားစုတို့နှင့် ပေးပို့ထားသည့် သီးသန့်မက်ဆေ့များမှ သီးသန့်အကြောင်းအရာများကို စကားဝိုင်းအတွင်းရှိ တစ်စုံတစ်ဦးက ကျွန်ုပ်တို့၏ AI များနှင့် မျှဝေရန် ရွေးချယ်ခြင်းမပြုပါက ကျွန်ုပ်တို့၏ AI များကို လေ့ကျင့်ပေးရန်အတွက် အဆိုပါမက်ဆေ့များကို ကျွန်ုပ်တို့ အသုံးမပြုပါ။ Meta ၏ ထုတ်ကုန်များနှင့် ဝန်ဆောင်မှုများမှ ရရှိသော အချက်အလက်များကို ကျွန်ုပ်တို့အသုံးပြုပုံနှင့် ပတ်သက်သည့် နောက်ထပ်အသေးစိတ်ကို ကျွန်ုပ်တို့၏ ကိုယ်ရေးလုံခြုံမှုဆိုင်ရာ မူဝါဒတွင် ဖော်ပြပေးထားပါသည်။

ကျွန်ုပ်တို့၏ မော်ဒယ်များကို လေ့ကျင့်ပေးရန်အတွက် အင်တာနက်မှ အများမြင် အချက်အလက်များ သို့မဟုတ် အခြားဝန်ဆောင်မှုပေးသူများထံမှ လိုင်စင်ရ အချက်အလက်များကို စုဆောင်းရယူသည့်အခါ ၎င်းတွင် ကိုယ်ရေးကိုယ်တာ အချက်အလက်များ ပါဝင်နိုင်ပါသည်။ ဥပမာအားဖြင့် ကျွန်ုပ်တို့က အများမြင် ဘလော့ဂ် ပို့စ်တစ်ခုကို စုဆောင်းရယူပါက ၎င်းတွင် ရေးသားသူ၏ အမည်နှင့် ဆက်သွယ်ရန်အချက်အလက်များ ပါဝင်နိုင်ပါသည်။ ကျွန်ုပ်တို့၏ မော်ဒယ်များကို လေ့ကျင့်ပေးရန် အသုံးပြုသော အဆိုပါ အများမြင်ဖြစ်၍ လိုင်စင်ရထားသည့် အချက်အလက်များ၏ တစ်စိတ်တစ်ပိုင်းအဖြစ် ကိုယ်ရေးကိုယ်တာ အချက်အလက်များကို ကျွန်ုပ်တို့ မဖြစ်မနေ ရယူရသည့်အခါတွင် ယင်းအချက်အလက်များကို မည်သည့် Meta အကောင့်နှင့်မျှ သီးခြားလင့်ခ်ချိတ်မှု မပြုလုပ်ပါ။

ကျွန်ုပ်တို့၏ ထုတ်ကုန်များနှင့် ဝန်ဆောင်မှုများကို သင်အသုံးမပြုသည်ဖြစ်စေ၊ သင့်တွင် အကောင့်မရှိသည်ဖြစ်စေ Meta ၌ AI ကို တီထွင်ဖန်တီးရန်နှင့် အဆင့်မြှင့်တင်ရန်အတွက် သင်နှင့်ဆိုင်သော အချက်အလက်များကို ကျွန်ုပ်တို့ စီမံဆောင်ရွက်နိုင်ဦးမည်ဖြစ်ပါသည်။ ဥပမာအားဖြင့် ကျွန်ုပ်တို့၏ ထုတ်ကုန်များ သို့မဟုတ် ဝန်ဆောင်မှုများကို အသုံးပြုသူတစ်ဦးက ကျွန်ုပ်တို့၏ ထုတ်ကုန်များနှင့် ဝန်ဆောင်မှုများပေါ်တွင် မျှဝေသည့် ရုပ်ပုံတစ်နေရာရာ၌ သင်ပေါ်လာလျှင်ဖြစ်စေ၊ ပို့စ်များ သို့မဟုတ် စာတန်းထိုးများတွင် သင်နှင့်ပတ်သက်သော အချက်အလက်များကို တစ်စုံတစ်ဦးက ရည်ညွှန်းလျှင်ဖြစ်စေ ဤကဲ့သို့ ဖြစ်ပေါ်နိုင်ပါသည်။

ကိုယ်ရေးလုံခြုံမှုနှင့် ဖန်တီးနိုင်စွမ်းရှိ AI

Meta တွင် လူများ၏ ကိုယ်ရေးလုံခြုံမှုကို ကာကွယ်ရန် ကျွန်ုပ်တို့၌ တာဝန်ရှိသောကြောင့် ကျွန်ုပ်တို့ဖန်တီးထားသမျှ အရာတိုင်းအတွက် ကာကွယ်ပေးရန် ရည်ရွယ်ဖွဲ့စည်းထားသည့် အဖွဲ့များရှိပါသည်။

Meta တွင် ဖန်တီးနိုင်စွမ်းရှိ AI အပါအဝင် ကျွန်ုပ်တို့၏ ထုတ်ကုန်များအတွက် အချက်အလက်များကို တာဝန်သိသိ အသုံးပြုနေကြောင်း သေချာစေမည့် ခိုင်မာသော ကုမ္ပဏီတွင်း ကိုယ်ရေးလုံခြုံမှု စိစစ်သုံးသပ်ချက် လုပ်ငန်းစဉ်တစ်ရပ်ကို ထားရှိပါသည်။ ကိုယ်ရေးကိုယ်တာ အချက်အလက်များကို စုဆောင်းခြင်း၊ အသုံးပြုခြင်း သို့မဟုတ် မျှဝေခြင်းတို့ ပါဝင်ပတ်သက်နေသည့် ဖြစ်နိုင်ခြေရှိသော ကိုယ်ရေးလုံခြုံမှု အန္တရာယ်များကို ခွဲခြားဖော်ထုတ်ရန်နှင့် လူများ၏ ကိုယ်ရေးလုံခြုံမှုတွင် ကျရောက်လာနိုင်သည့် အဆိုပါအန္တရာယ်များကို လျှော့ချရန်အတွက် နည်းလမ်းများကို ဖော်ဆောင်ရန် ကျွန်ုပ်တို့လုပ်ဆောင်နေပါသည်။ ကျွန်ုပ်တို့၏ ကိုယ်ရေးလုံခြုံမှု အစီအစဉ်များအကြောင်း ပိုမိုဖတ်ရှုပြီး ကျွမ်းကျင်သူများ ပါဝင်သည့် ကျွန်ုပ်တို့၏ အဖွဲ့များအကြောင်း လေ့လာလိုက်ပါ။

ဤအလုပ်တာဝန်ကို ကျင့်ဝတ်နှင့်လျော်ညီစွာ တာဝန်သိသိ လုပ်ဆောင်နိုင်ရန် AI နှင့် ပတ်သက်၍ ကျွန်ုပ်တို့စဉ်းစားတွေးခေါ်ပုံတွင် အဓိကကျသော အခြေခံ စံတန်ဖိုး ၅ ရပ်ရှိပါသည်။ ကျွန်ုပ်တို့၏ အဓိကမဏ္ဍိုင် ၅ ရပ်အကြောင်း ပိုမိုလေ့လာလိုက်ပါ။

ကိုယ်ရေးလုံခြုံမှုနှင့် ဘေးကင်းလုံခြုံရေး
တရားမျှတမှုနှင့် အားလုံးတန်းတူပါဝင်နိုင်မှု
ခိုင်မာမှုနှင့် အန္တရာယ်ကင်းရှင်းရေး
ပွင့်လင်းမြင်သာမှုနှင့် ထိန်းချုပ်မှု
စီမံအုပ်ချုပ်မှုနှင့် တာဝန်ခံမှု

Meta မှ AI သည် လူများနှင့် လူ့အဖွဲ့အစည်းကို အကျိုးပြုကြောင်း သေချာစေရန် တာဝန်ယူထားသည့် နယ်ပယ်ပေါင်းစုံအဖွဲ့တစ်ဖွဲ့က ကျွန်ုပ်တို့၏ AI တာဝန်ယူမှုဆိုင်ရာ ကြိုးပမ်းအားထုတ်မှုများကို ပံ့ပိုးကူညီပါသည်။ တာဝန်ယူမှုရှိသော AI အတွက် ကျွန်ုပ်တို့၏ လုပ်ဆောင်မှုသည် အချက်အလက်များ၊ ဝန်ဆောင်မှုများနှင့် အခွင့်အလမ်းများကို လူတိုင်း တန်းတူညီမျှ ရယူသုံးစွဲနိုင်သင့်သည်ဟူသော ကျွန်ုပ်တို့၏ ယုံကြည်ချက်အပေါ် အခြေပြုထားသည်။ ကျွန်ုပ်တို့၏ လတ်တလော တိုးတက်မှုအကြောင်း လေ့လာပါ။

ကမ္ဘာတစ်ဝန်းရှိ လူများ၊ ဖန်တီးသူများနှင့် လုပ်ငန်းများအတွက် ၎င်းက ပေးနိုင်သည့် အကျိုးကျေးဇူးများကို ကျွန်ုပ်တို့ ယုံကြည်သောကြောင့် ဤနယ်ပယ်တွင် ကျွန်ုပ်တို့ များစွာရင်းနှီးမြှုပ်နှံထားခြင်း ဖြစ်ပါသည်။ ထိုအတွက်ကြောင့်ပင် Meta ၏ AI ကို ကျွန်ုပ်တို့ ဖန်တီးတည်ဆောက်၍ ဖွင့်ဟထားသော ပလက်ဖောင်းမှတစ်ဆင့် မော်ဒယ်များကို ရရှိနိုင်အောင် ပြုလုပ်နေခြင်းဖြစ်ပါသည်။ အဆိုပါအဆင့်မြှင့်တင်မှုများကို လမ်းဖွင့်ပေးနိုင်သည့် ထိရောက်သော မော်ဒယ်များကို လေ့ကျင့်ပေးရန် အလွန်များသော အချက်အလက်ပမာဏကို လိုအပ်ပါသည်။ ထို့ကြောင့် အများအသုံးပြုနိုင်သောအချက်အလက်များနှင့် လိုင်စင်ရမူလရင်းမြစ်များအပြင် Meta လုပ်ဆောင်ချက်များရှိ AI နှင့် ထိတွေ့ဆောင်ရွက်မှုများအပါအဝင် Meta ထုတ်ကုန်များနှင့် ဝန်ဆောင်မှုများပေါ်တွင် လူများ မျှဝေထားသော အချက်အလက်များကိုလည်း ကျွန်ုပ်တို့ ဆွဲယူအသုံးပြုပါသည်။ AI မော်ဒယ်သည် သင့်လျော်၍ လုံခြုံစိတ်ချရပြီး ထိရောက်သောပုံစံဖြင့် လုပ်ဆောင်နေကြောင်း သေချာစေရန် ကျွန်ုပ်တို့သည် လေ့ကျင့်ပေးသည့် အချက်အလက်များကို ကိစ္စရပ်တစ်ခုချင်းစီအလိုက် လိုအပ်သမျှကာလပတ်လုံး ထိန်းသိမ်းထားပါသည်။ ကျွန်ုပ်တို့၏ အကျိုးစီးပွားများ သို့မဟုတ် တစ်ပါးသူ၏ အကျိုးစီးပွားများကို ကာကွယ်ရန်ဖြစ်စေ၊ ဥပဒေဆိုင်ရာ တာဝန်ဝတ္တရားများကို လိုက်နာရန်ဖြစ်စေ ထိုအတွက်လည်း ၎င်းတို့ကို ထိန်းသိမ်းထားနိုင်သည်။

ကျွန်ုပ်တို့ စီမံဆောင်ရွက်ရန်အသုံးပြုသော အချက်အလက်အတွက် ဥပဒေအရင်းခံကျိုးကြောင်းပြချက်များနှင့် ပတ်သက်ပြီး ပွင့်လင်းမြင်သာမှုရှိဖို့ ကျွန်ုပ်တို့ အမြဲတမ်းကြိုးစားဆောင်ရွက်ပါသည်။ ဤအချက်အလက်များကို အသုံးပြုမှုသည် Meta၊ ကျွန်ုပ်တို့၏ အသုံးပြုသူများနှင့် အခြားသူများ၏ တရားဝင်အကျိုးစီးပွားများအောက်တွင်အကျုံးဝင်သည်ဟု ကျွန်ုပ်တို့ ယုံကြည်ပါသည်။ ဥရောပသမဂ္ဂနှင့် ဗြိတိန်တို့တွင် Meta ၏ AI များကို ဖန်တီးတည်ဆောက်၍ အဆင့်မြှင့်တင်ရန်အတွက် ဤအများမြင်အဖြစ် ရရှိနိုင်ပြီး လိုင်စင်ရထားသည့် မူလရင်းမြစ်တို့၌ ပါဝင်သော မည်သည့်ကိုယ်ရေးကိုယ်တာ အချက်အလက်ကိုမဆို စုဆောင်းရန်နှင့် စီမံဆောင်ရွက်ရန် အခြေခံ တရားဝင်အကျိုးစီးပွားများအပေါ် ကျွန်ုပ်တို့ အမှီပြုပါသည်။ သက်ဆိုင်ရာ အခြားတရားစီရင်ပိုင်ခွင့်နယ်မြေများတွင် ကျွန်ုပ်တို့သည် ယင်းအချက်အလက်များကို စုဆောင်းရန်နှင့် စီမံဆောင်ရွက်ရန် လုံလောက်ပြည့်စုံသော တရားဝင်အခြေခံ အကြောင်းရင်းတစ်ရပ်ကို အမှီပြုပါသည်။ Meta က အသုံးပြုသော AI အတွက် သင်၏ အချက်အလက်များကို အသုံးပြုပုံနှင့်စပ်လျဥ်း၍ သင့်ထံတွင် လုပ်ပိုင်ခွင့်များရှိပါသည်။ ဤနေရာတွင် ပိုမိုလေ့လာပြီး တောင်းဆိုမှုများကို ပေးပို့ပါ။

သင့်ဒေသအတွက် သင့်လျော်သောဖောင်ပုံစံကို ကြည့်ရန် သင့်အကောင့်သို့ လော့ဂ်အင်ဝင်ဖို့ လိုအပ်နိုင်ပါသည်။ Meta ထုတ်ကုန်များနှင့် ဝန်ဆောင်မှုများပေါ်တွင် သင်မျှဝေထားသော အချက်အလက်များနှင့်ပတ်သက်သည့် သင်၏ အခြားအခွင့်အရေးများအကြောင်းကို ကျွန်ုပ်တို့၏ ကိုယ်ရေးလုံခြုံမှုဆိုင်ရာ မူဝါဒတွင် လေ့လာနိုင်ပါသည်။

နောင်တွင် လူများ၊ ဖန်တီးသူများနှင့် လုပ်ငန်းများက ဖန်တီးနိုင်စွမ်းရှိ AI ကို အသုံးပြုလာမည့် အလားအလာများစွာကို ကျွန်ုပ်တို့မြင်တွေ့နေရပါသည်။ အဆိုပါနည်းပညာက ဤမျှအတိုင်းအတာအထိ တိုးတက်လာသည်ကို တွေ့မြင်ရသည်မှာ စိတ်လှုပ်ရှားစရာကောင်းလှပါသည်။ သို့သော်လည်း အနာဂတ်တွင် နောက်ထပ် လုပ်ဆောင်စရာများ ရှိဦးမည်ကို သိရှိနားလည်ပါသည်။ ဖန်တီးနိုင်စွမ်းရှိ AI သည် လျင်မြန်စွာတိုးတက်နေသော နယ်ပယ်တစ်ခုဖြစ်ပြီး ဤနည်းပညာ ဆင့်ကဲပြောင်းလဲနေသည်နှင့်အမျှ ပွင့်လင်းမြင်သာမှုရှိအောင် ဆက်လက်လုပ်ဆောင်ရန် ကျွန်ုပ်တို့ ကတိပြုပါသည်။