ကိုယ်ရေးလုံခြုံမှုဆိုင်ရာ မူဝါဒ
ကိုယ်ရေးလုံခြုံမှုဆိုင်ရာမူဝါဒဆိုသည်မှာ အဘယ်နည်း။ ၎င်းတွင် မည်သည်တို့ အကျုံးဝင်သနည်း။
၂၀၂၄၊ နိုဝင်ဘာ ၁၄ မှာ စတင် အကျုံးဝင်ပါမယ် | ပုံနှိပ်ထုတ်ယူနိုင်တဲ့ ဗားရှင်းကို ကြည့်မယ် | ယခင် ဗားရှင်းဟောင်းများကို ကြည့်ရန်
ကိုယ်ရေးကိုယ်တာ အချက်အလက်ကို ကျွန်ုပ်တို့ စီမံကိုင်တွယ်ပုံနှင့် သင့်ရပိုင်ခွင့်များကို အသုံးချနိုင်ပုံနှင့်ပတ်သက်၍ အသေးစိတ်အချက်များကို ပိုမိုသိရှိရန် အမေရိကန်ပြည်ထောင်စု ဒေသဆိုင်ရာ ကိုယ်ရေးလုံခြုံမှုသတိပေးချက်ကို ဖတ်ရှုပါ။
ဦးစားပေးဖော်ပြမှုများ
ဦးစားပေးဖော်ပြမှုများ
Meta တွင် မည်သည့်အချက်အလက်များကို ကျွန်ုပ်တို့ စုစည်းရယူကြောင်းနှင့် ၎င်းတို့ကို ကျွန်ုပ်တို့ မည်သို့အသုံးပြုကာ မျှဝေကြောင်းကို သင့်အား နားလည်စေလိုပါသည်။ ထို့ကြောင့် သင့်အနေဖြင့် ကျွန်ုပ်တို့၏ ကိုယ်ရေးလုံခြုံမှုဆိုင်ရာမူဝါဒကို ဖတ်ရှုရန် ကျွန်ုပ်တို့ တိုက်တွန်းပါသည်။ ဤသို့ပြုလုပ်ခြင်းသည် သင့်အတွက် သင့်လျော်သောနည်းလမ်းဖြင့် Meta ထုတ်ကုန်များကို အသုံးပြုနိုင်စေရန် ကူညီပေးပါသည်။
ကိုယ်ရေးလုံခြုံမှုဆိုင်ရာမူဝါဒထဲတွင် အချက်အလက်များကို ကျွန်ုပ်တို့ စုစည်းရယူပုံ၊ အသုံးပြုပုံ၊ မျှဝေပုံ၊ ထိန်းသိမ်းပုံနှင့် လွှဲပြောင်းပုံတို့ကို ရှင်းပြထားပါသည်။ ကျွန်ုပ်တို့သည် သင်၏ရပိုင်ခွင့်များကိုလည်း သင့်အား အသိပေးပါသည်။ ဤမူဝါဒ၏ ကဏ္ဍတစ်ခုစီတွင် ကျွန်ုပ်တို့၏ လုပ်ထုံးလုပ်နည်းများကို ပိုမိုနားလည်လွယ်စေမည့် အထောက်အကူပြုသော နမူနာများနှင့် ပိုမိုရိုးရှင်းသော သုံးနှုန်းဖော်ပြချက်တို့ ပါဝင်ပါသည်။ သင်စိတ်ဝင်စားသော ကိုယ်ရေးလုံခြုံမှုဆိုင်ရာ အကြောင်းအရာများနှင့်ပတ်သက်၍ ပိုမိုလေ့လာနိုင်သည့် အရင်းအမြစ်များအတွက် လင့်ခ်များကိုလည်း ကျွန်ုပ်တို့ ထည့်သွင်းပေးထားပါသည်။
သင့်ကိုယ်ရေးလုံခြုံမှုကို မည်သို့ထိန်းချုပ်သင့်သည်ကို သင်သိရန်မှာ ကျွန်ုပ်တို့အတွက် အရေးကြီးပါသည်။ ထို့ကြောင့် ကျွန်ုပ်တို့သည် သင်အသုံးပြုသည့် Meta ထုတ်ကုန်များ၏ ဆက်တင်များထဲတွင် သင့်အချက်အလက်များကို စီမံနိုင်သည့် နေရာကိုလည်း သင့်အား ပြသထားပါသည်။ သင့်သုံးစွဲမှုပုံစံကို ပုံဖော်ရန်အတွက် ဤဆက်တင်များကို အပ်ဒိတ်လုပ်နိုင်ပါသည်။
မူဝါဒအပြည့်အစုံကို အောက်တွင် ဖတ်ရှုပါ။
ကျွန်ုပ်တို့က မည်သည့်အချက်အလက်ကို စုစည်းရယူပါသနည်း။
ဦးစားပေးဖော်ပြမှုများ
ဦးစားပေးဖော်ပြမှုများ
သင်နှင့်ပတ်သက်၍ ကျွန်ုပ်တို့စုစည်းရယူပြီး စီမံဆောင်ရွက်မည့် အချက်အလက်များမှာ ကျွန်ုပ်တို့၏ ထုတ်ကုန်များ ကို သင်အသုံးပြုပုံအပေါ်တွင် မူတည်ပါသည်။ ဥပမာအားဖြင့် ကျွန်ုပ်တို့သည် သင် Marketplace တွင် ပရိဘောဂကို ရောင်းချလျှင် စုစည်းရယူသည့် အချက်အလက်နှင့် Instagram တွင် သင် Reels ဗီဒီယိုတင်ပါက စုစည်းရယူသည့် အချက်အလက်တို့မှာ မတူညီပါ။ သင့်တွင် အကောင့်မရှိစေကာမူ ကျွန်ုပ်တို့၏ ထုတ်ကုန်များကို သင်အသုံးပြုလျှင် သင်နှင့် ပတ်သက်သည့် အချက်အလက်အချို့ကို ကျွန်ုပ်တို့က စုစည်းရယူပါသည်။
ကျွန်ုပ်တို့စုစည်းရယူသည့် အချက်အလက်များကို ဤနေရာတွင် ဖော်ပြထားသည်-
သင်က ကျွန်ုပ်တို့ကို အချက်အလက်အချို့အား စုစည်းရယူခွင့်မပေးလျှင် ဘာဖြစ်မလဲ။
ကျွန်ုပ်တို့၏ ထုတ်ကုန်များအား လုပ်ဆောင်နိုင်စေရန် အချို့သော အချက်အလက်များကို လိုအပ်ပါသည်။ အခြားအချက်အလက်များကို ဆန္ဒရှိလျှင် ပေးနိုင်သော်လည်း ၎င်းတို့မရှိပါက သင်ကြည့်ရှုသုံးစွဲရာတွင် အဆင်ပြေမှု လျော့နည်းသွားနိုင်သည်။
ကျွန်ုပ်တို့ စုစည်းရယူသော အချက်အလက်များက လူပုဂ္ဂိုလ်များကို ခွဲခြားဖော်ထုတ်ထားခြင်းမရှိပါက မည်သို့ဖြစ်မည်နည်း။
အချို့အခြေအနေများတွင် ကြားခံပြင်ပအဖွဲ့အစည်းများသည် အချက်အလက်များထဲမှ အရေးကြီးသော မည်သူမည်ဝါဖော်ထုတ်နိုင်သည့် အချက်အလက်များကို ဖယ်ရှားခြင်း၊ အချက်အလက်များကို စုစည်းခြင်း သို့မဟုတ် မည်သူမည်ဝါမဖော်နိုင်ရန် ပြုလုပ်ခြင်းတို့ ရှိသောကြောင့် ၎င်းကို ကျွန်ုပ်တို့အသုံးမပြုနိုင်မီိတွင်ပင် အဆိုပါအချက်အလက်များဖြင့် လူပုဂ္ဂိုလ်များကို ခွဲခြားဖော်ထုတ်၍ မရတော့ပါ။ ကျွန်ုပ်တို့သည် တစ်ဦးချင်းကို ပြန်လည်ခွဲခြားဖော်ထုတ်ရန် မကြိုးစားဘဲ အဆိုပါအချက်အလက်ကို အောက်တွင် ဖော်ပြထားသည့်အတိုင်း အသုံးပြုပါသည်။
ထိန်းချုပ်ဆောင်ရွက်ပါ
သင့်အချက်အလက်များကို ကျွန်ုပ်တို့ ဘယ်လိုအသုံးပြုသလဲ။
ဦးစားပေးဖော်ပြမှုများ
ဦးစားပေးဖော်ပြမှုများ
အောက်တွင် ကျွန်ုပ်တို့ အသေးစိတ်ရှင်းပြထားသော အခြားရည်ရွယ်ချက်များနှင့်အတူ ကြော်ငြာများအပါအဝင် သင့်အား ကိုက်ညီအောင်ပြင်ဆင်ပေးထားသော ဖန်တီးတင်ဆက်မှုပုံစံကို ပံ့ပိုးပေးရန် ကျွန်ုပ်တို့သည် ကျွန်ုပ်တို့စုစည်းရယူသော အချက်အလက်ကို အသုံးပြုပါသည်။
ဤရည်ရွယ်ချက်အချို့အတွက် ကျွန်ုပ်တို့၏ ထုတ်ကုန်အားလုံးနှင့် သင့်ဖုန်း/ကွန်ပျူတာအားလုံးတွင် အချက်အလက်များကို ကျွန်ုပ်တို့ အသုံးပြုသည်။ ဤရည်ရွယ်ချက်များအတွက် ကျွန်ုပ်တို့ အသုံးပြုသော အချက်အလက်ကို ကျွန်ုပ်တို့၏ စနစ်များက အလိုအလျောက် စီမံဆောင်ရွက်ပါသည်။ သို့သော် အချို့သော အခြေအနေများတွင် သင့်အချက်အလက်များကို ဝင်ရောက်အသုံးပြုရန်နှင့် စိစစ်သုံးသပ်ရန်အတွက် လူကိုယ်တိုင် စိစစ်သုံးသပ်ခြင်းကိုလည်း ကျွန်ုပ်တို့ အသုံးပြုသည်။
အသုံးပြုသူ တစ်ဦးချင်းစီနှင့် ချိတ်ဆက်ထားသည့် အချက်အလက်များကို အနည်းအကျဉ်းသာ အသုံးပြုရန်အတွက် အချို့သော အခြေအနေများတွင် ကျွန်ုပ်တို့သည် အချက်အလက်များကို မည်သူမည်ဝါမခွဲခြားနိုင်ရန် ပြုလုပ်ခြင်း သို့မဟုတ် ပေါင်းစည်းခြင်းတို့ကို လုပ်ဆောင်ပါသည် သို့မဟုတ် ၎င်းဖြင့် သင့်ကို မည်သူမည်ဝါမခွဲနိုင်တော့စေရန် ထိုအချက်အလက်ကို အမည်ဝှက်ထားပါသည်။ ဤကဏ္ဍတွင်ဖော်ပြထားသည့် သင့်အချက်အလက်များကို ကျွန်ုပ်တို့အသုံးပြုသည့် နည်းလမ်းများအတိုင်း ဤအချက်အလက်ကို ကျွန်ုပ်တို့အသုံးပြုပါသည်။
သင့်အချက်အလက်များကို ကျွန်ုပ်တို့ အသုံးပြုသော နည်းလမ်းများကို ဤတွင်ဖော်ပြထားသည်-
ကျွန်ုပ်တို့၏ ထုတ်ကုန်များကို ပံ့ပိုးပေးရန်၊ စိတ်ကြိုက်သတ်မှတ်နိုင်ရန်နှင့် တိုးတက်အောင်လုပ်ဆောင်ရန်
ကျွန်ပ်တို့၏ထုတ်ကုန်များကို ပံ့ပိုးရန်နှင့် တိုးတက်အောင်လုပ်ဆောင်ရန် ကျွန်ုပ်တို့တွင်ရှိသော အချက်အလက်များကို အသုံးပြုပါသည်။ ၎င်းတွင် သင်၏ Facebook အလင်းစဉ်၊ Instagram သတင်းစဉ်၊ စတိုရီများနှင့် ကြော်ငြာများကဲ့သို့ ကိုက်ညီအောင်ပြင်ဆင်ထားသော လုပ်ဆောင်ချက်များ၊ အကြောင်းအရာများနှင့် အကြံပြုချက်များ ပါဝင်သည်။ ကျွန်ုပ်တို့သည် ဤရည်ရွယ်ချက်များအတွက် သင်ပေးအပ်ရန် ရွေးချယ်ထားသည့် အထူးကာကွယ်ထားသော အချက်အလက်များကို အသုံးပြုသော်လည်း ၎င်းသည် သင့်အား ကြော်ငြာများကို ပြသပေးရန်အတွက် မဟုတ်ပါ။
ကျွန်ုပ်တို့၏ထုတ်ကုန်များကို ပံ့ပိုးပေးရန်၊ စိတ်ကြိုက်သတ်မှတ်ရန်နှင့် တိုးတက်အောင်လုပ်ဆောင်ရန် အချက်အလက်များအား ကျွန်ုပ်တို့အသုံးပြုပုံအကြာင်း နောက်ထပ်ဖတ်ရန်-
အန္တရာယ်ကင်းရှင်းရေး၊ ဘေးကင်းလုံခြုံရေးနှင့် သမာသမတ်ရှိမှုတို့ကို အားပေးမြှင့်တင်ရန်
ကျွန်ုပ်တို့သည် လူများကို အန္တရာယ်မဖြစ်အောင် ကာကွယ်ရန်နှင့် ဘေးကင်း၍ စိတ်ချရသော ထုတ်ကုန်များ ပံ့ပိုးပေးရန်အတွက် ကျွန်ုပ်တို့စုစည်းရယူထားသော အချက်အလက်များကို အသုံးပြုပါသည်။
တိုင်းတာမှု၊ ခွဲခြမ်းစိတ်ဖြာမှုနှင့် စီးပွားရေးလုပ်ငန်းဝန်ဆောင်မှုများကို ပံ့ပိုးပေးရန်
လူများစွာသည် ၎င်းတို့၏လုပ်ငန်းများကို လည်ပတ်ရန် သို့မဟုတ် ကြော်ငြာရန် သို့မဟုတ် အကြောင်းအရာများကို မျှဝေရန် ကျွန်ုပ်တို့၏ထုတ်ကုန်များကို အမှီပြုကြသည်။ ၎င်းတို့၏ ကြော်ငြာများနှင့် အခြားအကြောင်းအရာများ၊ ထုတ်ကုန်များနှင့် ဝန်ဆောင်မှုများက မည်မျှကောင်းစွာ အလုပ်လုပ်နေသည်ကို တိုင်းတာနိုင်ရန် ကျွန်ုပ်တို့ ကူညီပေးပါသည်။
သင်နှင့် ဆက်သွယ်ရန်
သင့်ပရိုဖိုင်တွင် သင်ထည့်သွင်းထားသည့် ဆက်သွယ်ရန်အချက်အလက်ကဲ့သို့ ကျွန်ုပ်တို့ထံ သင်ပေးထားသော အချက်အလက်များကို အသုံးပြု၍ ကျွန်ုပ်တို့သည် သင်နှင့် ဆက်သွယ်ပါသည်။
လူမှုကောင်းကျိုးအတွက် သုတေသနလုပ်ရန်နှင့် ဆန်းသစ်တီထွင်ရန်
သုတေသနပြုလုပ်ရန်နှင့် သုတေသနလုပ်ဆောင်ရာတွင် အထောက်အကူဖြစ်စေရန် ကျွန်ုပ်တို့တွင်ရှိသော အချက်အလက်များ၊ ကျွန်ုပ်တို့၏ သုတေသီများထံမှ အချက်အလက်များနှင့် လူအများဝင်ရောက်အသုံးပြုနိုင်သော အရင်းအမြစ်များ၊ ဝါရင့်ကျွမ်းကျင်သူ အဖွဲ့များနှင့် အကျိုးအမြတ်မယူသော အဖွဲ့များထံမှ အချက်အလက်အစုများကို ကျွန်ုပ်တို့ အသုံးပြုပါသည်။
ကိုယ်ရေးလုံခြုံမှုဆိုင်ရာ မူဝါဒရှိ နောက်ထပ်အချက်အလက်များ
Meta ထုတ်ကုန်များပေါ်တွင် သို့မဟုတ် ပေါင်းစပ်မိတ်ဖက်များထံ သင်၏အချက်အလက်များကို မည်ကဲ့သို့ မျှဝေပါသနည်း။
ဦးစားပေးဖော်ပြမှုများ
ဦးစားပေးဖော်ပြမှုများ
Meta ထုတ်ကုန်များပေါ်တွင်
ကျွန်ုပ်တို့၏ ထုတ်ကုန်များပေါ်တွင် သင့်အချက်အလက်များကို မျှဝေနိုင်သည့် မတူညီသော ကိစ္စရပ်များအကြောင်း ပိုမိုလေ့လာပါ-
ပေါင်းစပ်မိတ်ဖက်များထံ မျှဝေခြင်း
သင်သည် ကျွန်ုပ်တို့၏ထုတ်ကုန်များကို အသုံးပြုသည့် ပေါင်းစပ်မိတ်ဖက်များ နှင့် ချိတ်ဆက်ရန် ရွေးချယ်နိုင်ပါသည်။ ထိုသို့ပြုလုပ်ပါက ဤပေါင်းစပ်မိတ်ဖက်များသည် သင့်အကြောင်းနှင့် သင်၏လှုပ်ရှားဆောင်ရွက်မှုအကြောင်း အချက်အလက်များကို လက်ခံရရှိပါသည်။
ဤပေါင်းစပ် မိတ်ဖက်များသည် ကျွန်ုပ်တို့၏ ထုတ်ကုန်များပေါ်ရှိ အများမြင် အချက်အလက်များကို အမြဲတမ်း ဝင်ရောက်အသုံးပြုနိုင်သည်။ ၎င်းတို့လက်ခံရရှိသော အခြားအချက်အလက်များနှင့် သင့်အချက်အလက်များကို ၎င်းတို့ကိုင်တွယ်ဆောင်ရွက်ပုံအကြောင်း ပိုမိုလေ့လာပါ-
ထိန်းချုပ်ဆောင်ရွက်ပါ
ဦးစားပေးဖော်ပြမှုများ
ဦးစားပေးဖော်ပြမှုများ
ကျွန်ုပ်တို့သည် သင့်အချက်အလက်မှန်သမျှကို အခြားလူများထံ ရောင်းချခြင်းမရှိသလို ထိုကဲ့သို့လည်း ဘယ်သောအခါမျှ ပြုလုပ်မည်မဟုတ်ပါ။ မိတ်ဖက်များနှင့် အခြားကြားခံပြင်ပ အဖွဲ့အစည်းများသည် ကျွန်ုပ်တို့ ပံ့ပိုးပေးသော အချက်အလက်များကို ၎င်းတို့က မည်သို့ အသုံးပြုနိုင်ပုံ၊ အသုံးမပြုနိုင်ပုံနှင့် မည်သို့ဖော်ထုတ်နိုင်ပုံ၊ မဖော်ထုတ်နိုင်ပုံနှင့် ပတ်သက်သော စည်းမျဉ်းများကို လိုက်နာရန်လည်း လိုအပ်ပါသည်။
ကျွန်ုပ်တို့က အချက်အလက်များကို မည်သူတို့နှင့် မျှဝေသည့်အကြောင်း နောက်ထပ် အသေးစိတ်အချက်များကို ဤတွင်ဖော်ပြထားသည်-
မိတ်ဖက်များ
ဝန်ဆောင်မှုပေးသူများ
ဝန်ဆောင်မှုပံ့ပိုးသူများ
ကြားခံပြင်ပ အဖွဲ့အစည်းများ
အခြားကြားခံပြင်ပအဖွဲ့များ
ဥပဒေရေးရာ တောင်းဆိုချက်များကို တုံ့ပြန်ရန်၊ သက်ဆိုင်ရာ ဥပဒေကို လိုက်နာရန် သို့မဟုတ် အန္တရာယ်ကို တားဆီးရန်အတွက် ကျွန်ုပ်တို့သည် အချက်အလက်များကို အခြား ကြားခံပြင်ပအဖွဲ့များနှင့်လည်း မျှဝေပါသည်။ မူဝါဒကို ဖတ်ရှုပါ။
ထို့အပြင် ကျွန်ုပ်တို့၏ လုပ်ငန်း အားလုံး သို့မဟုတ် တစ်စိတ်တစ်ပိုင်းကို အခြားသူတစ်ဦးထံ ရောင်းချပါက သို့မဟုတ် လွှဲပြောင်းပါက အချို့ကိစ္စရပ်များတွင် ထိုရောင်းဝယ်မှု၏ တစ်စိတ်တစ်ဒေသအဖြစ် ဥပဒေက ခွင့်ပြုထားသည်အထိသာ သင့်အချက်အလက်များကို ပိုင်ရှင်အသစ်ထံ ကျွန်ုပ်တို့ ပေးအပ်ပါမည်။
Meta ကုမ္ပဏီများသည် မည်ကဲ့သို့ အတူတကွ လက်တွဲဆောင်ရွက်ကြသနည်း။
ဦးစားပေးဖော်ပြမှုများ
ဦးစားပေးဖော်ပြမှုများ
ကျွန်ုပ်တို့သည် Meta ကုမ္ပဏီ ထုတ်ကုန်များကို ပံ့ပိုးပေးသော Meta ကုမ္ပဏီများ၏ တစ်စိတ်တစ်ပိုင်းဖြစ်သည်။ Meta ကုမ္ပဏီ ထုတ်ကုန်များတွင် ဤမူဝါဒအရ အကျုံးဝင်သည့် Meta ထုတ်ကုန်အားလုံးအပြင် WhatsApp စသည်တို့ကဲ့သို့ အခြားသော ထုတ်ကုန်များ ပါဝင်သည်။
ကျွန်ုပ်တို့စုစည်းရယူသည့် အချက်အလက်များ၊ အခြေခံ အဆောက်အအုံ၊ စနစ်များနှင့် နည်းပညာများကို အခြား Meta ကုမ္ပဏီများနှင့် မျှဝေပါသည်။ အခြားနိုင်ငံများသို့ အချက်အလက်များကို ကျွန်ုပ်တို့လွှဲပြောင်းပုံအကြောင်း ပိုမိုလေ့လာပါ။
အခြား Meta ကုမ္ပဏီများထံမှ ကျွန်ုပ်တို့ လက်ခံရရှိသည့် သင့်အကြောင်း အချက်အလက်များကိုလည်း ၎င်းတို့၏ စည်းမျဉ်းများနှင့် မူဝါဒများနှင့်အညီ၊ သက်ဆိုင်ရာ ဥပဒေက ခွင့်ပြုထားသည့်အတိုင်း စီမံဆောင်ရွက်ပါသည်။ အချို့ကိစ္စရပ်များတွင် Meta သည် အခြား Meta ကုမ္ပဏီများအတွက် ဝန်ဆောင်မှုပေးသူအဖြစ် ဆောင်ရွက်သည်။ ကျွန်ုပ်တို့သည် ၎င်းတို့၏ ညွှန်ကြားချက်များ၊ စည်းမျဉ်းများနှင့်အညီ ၎င်းတို့ကိုယ်စား လုပ်ငန်းဆောင်ရွက်ပါသည်။
Meta ၏ ကုမ္ပဏီများထံ ကျွန်ုပ်တို့ မျှဝေရသည့် အကြောင်းရင်း
Meta ထုတ်ကုန်များသည် အချက်အလက်များကို အခြား Meta ကုမ္ပဏီများနှင့် မျှဝေရခြင်းမှာ-
- အန္တရာယ်ကင်းရှင်းရေး၊ ဘေးကင်းလုံခြုံရေးနှင့် သမာသမတ်ရှိမှုကို အားပေးမြှင့်တင်ရန်နှင့် သက်ဆိုင်ရာ ဥပဒေများကို လိုက်နာရန်
- ကမ်းလှမ်းချက်များ၊ ကြော်ငြာများ၊ အခြား အခပေးကြော်ငြာထားသော သို့မဟုတ် စီးပွားဖြစ် အကြောင်းအရာများကို စိတ်ကြိုက်သတ်မှတ်ရန်
- လုပ်ဆောင်ချက်များနှင့် ပေါင်းစပ်မှုများကို တီထွင်ဖန်တီးရန်နှင့် ပံ့ပိုးပေးရန်
- Meta ကုမ္ပဏီ ထုတ်ကုန်များကို လူအများ အသုံးပြုပုံနှင့် တုံ့ပြန်ဆောင်ရွက်ပုံကို နားလည်ရန်
ကျွန်ုပ်တို့မျှဝေရသည့် အကြောင်းရင်းနှင့် ပတ်သက်သည့် နမူနာအချို့ကို ကြည့်ပါ။
နောက်ထပ် အရင်းအမြစ်များ
သင့်အချက်အလက်ကို စီမံခြင်း သို့မဟုတ် ဖျက်ခြင်းနှင့် သင့်အခွင့်အရေးများကို အသုံးချခြင်းတို့ မည်သို့ပြုလုပ်နိုင်သလဲ။
ဦးစားပေးဖော်ပြမှုများ
ဦးစားပေးဖော်ပြမှုများ
ကျွန်ုပ်တို့သည် သင့်အချက်အလက်များကို ကြည့်ရန်၊ စီမံရန်၊ ဒေါင်းလုဒ်လုပ်ရန်နှင့် ဖျက်ရန်အတွက် အောက်ပါ ကိရိယာအမျိုးမျိုးကို သင့်အား ပံ့ပိုးပေးထားသည်။ သင်အသုံးပြုသည့် ထုတ်ကုန်များ၏ ဆက်တင်သို့ သွားရောက်၍လည်း သင့်အချက်အလက်များကို စီမံနိုင်ပါသည်။ သင့်တွင် သက်ဆိုင်ရာ ဥပဒေများအရ အခြားသော ကိုယ်ရေးလုံခြုံမှု အခွင့်အရေးများလည်း ရှိနိုင်သည်။
သင့်အခွင့်အရေးများကို အသုံးချရန် ကျွန်ုပ်တို့၏ အကူအညီစင်တာများ၊ Facebook နှင့် Instagram တို့အတွက် သင်၏ ဆက်တင်များနှင့် သင်၏ ဖုန်း/ကွန်ပျူတာအခြေပြု ဆက်တင်များသို့ ဝင်ရောက်ကြည့်ရှုပါ။
ကိုယ်ရေးလုံခြုံမှု စစ်ဆေးခြင်း ဆောင်ရွက်ရန်
သင့်အချက်အလက်များကို ကြည့်ရှု၊ စီမံရန်
သင့်အချက်အလက်များကို လွှဲပြောင်းရန်၊ ဒေါင်းလုဒ်လုပ်ရန် သို့မဟုတ် ဖျက်ရန်
သင်သည် Facebook ၊ Instagram နှင့် Facebook အကူအညီစင်တာတို့တွင် ကိုယ်ရေးလုံခြုံမှုလုပ်ဆောင်ပုံအကြောင်း ပိုမိုလေ့လာနိုင်ပါသည်။ ဤမူဝါဒနှင့်ပတ်သက်၍ သင့်တွင် မေးမြန်းလိုသည်များ ရှိပါက အောက်တွင် ဖော်ပြထားသည့်အတိုင်း ကျွန်ုပ်တို့ကို ဆက်သွယ် နိုင်ပါသည်။ အချို့နိုင်ငံများတွင် သင်သည် Meta Platforms, Inc. ၏ အချက်အလက် ကာကွယ်ရေး အရာရှိထံလည်း ဆက်သွယ်နိုင်ပြီး သင်နေထိုင်ရာ တရားစီရင်ပိုင်ခွင့်နယ်မြေပေါ် မူတည်၍ သင်၏ဒေသတွင်း အချက်အလက် ကာကွယ်ရေး အာဏာပိုင် (“DPA”) ထံလည်း တိုက်ရိုက်ဆက်သွယ်နိုင်ပါသည်။
ကျွန်ုပ်တို့က သင့်အချက်အလက်ကို ဘယ်လောက်ကြာကြာ သိမ်းဆည်းထားသလဲ။
ဦးစားပေးဖော်ပြမှုများ
ဦးစားပေးဖော်ပြမှုများ
ကျွန်ုပ်တို့၏ ထုတ်ကုန်များကို ပံ့ပိုးပေးရန်၊ တရားဝင် တာဝန်ဝတ္တရားများကို လိုက်နာရန် သို့မဟုတ် ကျွန်ုပ်တို့၏ သို့မဟုတ် အခြားသူများ၏ အကျိုးစီးပွားကို ကာကွယ်ရန် အချက်အလက်များကို လိုအပ်သရွေ့ ၎င်းတို့ကို ထိန်းသိမ်းထားပါသည်။ ကျွန်ုပ်တို့သည် အမှုတစ်ခုချင်းအလိုက် အချက်အလက်များအား မည်မျှကြာကြာ လိုအပ်သည်ကို ဆုံးဖြတ်ပါသည်။ ကျွန်ုပ်တို့ ဆုံးဖြတ်သည့်အခါ ထည့်သွင်းစဉ်းစားသည်များကို အောက်တွင်ဖော်ပြထားသည်-
- ကျွန်ုပ်တို့၏ထုတ်ကုန်များကို လည်ပတ်လုပ်ဆောင်ရန် သို့မဟုတ် ပံ့ပိုးပေးရန် ၎င်းကိုလိုအပ်ပါက။ ဥပမာအားဖြင့် ကျွန်ုပ်တို့သည် သင့်အကောင့်ကို ထိန်းသိမ်းရန်အတွက် သင့်အချက်အလက်ကို သိမ်းထားရန် လိုအပ်ပါသည်။ ပိုမိုလေ့လာပါ။
- ၎င်းကို အသုံးပြုရသော လုပ်ဆောင်ချက်အတွက်နှင့် ယင်းလုပ်ဆောင်ချက်၏ အလုပ်လုပ်ပုံ။ ဥပမာအားဖြင့် Messenger ၏ ကိုယ်ပျောက်မက်ဆေ့ကို သုံး၍ ပို့ထားသော မက်ဆေ့များကို ပုံမှန်မက်ဆေ့များထက် အချိန်နည်းနည်းသာ ထိန်းသိမ်းထားပါသည်။ ပိုမိုလေ့လာပါ။
- တရားဝင် တာဝန်ဝတ္တရားအချို့ကို လိုက်နာရန် အချက်အလက်များကို ကျွန်ုပ်တို့ ဘယ်လောက်ကြာကြာ ထိန်းသိမ်းထားရန် လိုအပ်သလဲ။ နမူနာအချို့ကို ကြည့်ပါ။
- အန္တရာယ်ကို တားဆီးရန်၊ ကျွန်ုပ်တို့၏ စည်းမျဉ်းများ သို့မဟုတ် မူဝါဒများအပေါ် ဖြစ်နိုင်ခြေရှိသော ချိုးဖောက်မှုများကို စုံစမ်းစစ်ဆေးရန်၊ ဘေးကင်းလုံခြုံရေး၊ လုံခြုံမှုနှင့် ဂုဏ်သိက္ခာကို အားပေးမြှင့်တင်ရန် သို့မဟုတ် ကျွန်ုပ်တို့၏ အခွင့်အရေးများ၊ ပိုင်ဆိုင်မှု သို့မဟုတ် ကုန်ပစ္စည်းများ အပါအဝင် ကျွန်ုပ်တို့ကိုယ်ကျွန်ုပ်တို့ ကာကွယ်ရန်ကဲ့သို့သော အခြားတရားဝင် ရည်ရွယ်ချက်များအတွက် ၎င်းကို ကျွန်ုပ်တို့လိုအပ်ပါက
အချို့သော အခြေအနေများတွင် တိကျသော အကြောင်းအရင်းများအတွက် ကျွန်ုပ်တို့က အချက်အလက်များကို ပိုမိုကြာမြင့်သော အချိန်ကာလတစ်ခုအထိ ထိန်းသိမ်းထားပါမည်။ ကျွန်ုပ်တို့က သင့်အချက်အလက်များကို ထိန်းသိမ်းထားနိုင်သည့်အချိန်နှင့်ပတ်သက်၍ ကျွန်ုပ်တို့၏ မူဝါဒကို ဖတ်ရှုပါ။
အချက်အလက်များကို ကျွန်ုပ်တို့ ဘယ်လိုလွှဲပြောင်းသလဲ။
ဦးစားပေးဖော်ပြမှုများ
ဦးစားပေးဖော်ပြမှုများ
ဥပဒေရေးရာ တောင်းဆိုချက်များကို တုံ့ပြန်ရန်၊ သက်ဆိုင်ရာ ဥပဒေကို လိုက်နာရန်နှင့် အန္တရာယ်ကို တားဆီးရန် ကျွန်ုပ်တို့ မည်သို့ဆောင်ရွက်သလဲ။
ဦးစားပေးဖော်ပြမှုများ
ဦးစားပေးဖော်ပြမှုများ
ကျွန်ုပ်တို့သည် အောက်ပါတို့ကို လုပ်ဆောင်ရန် သင့်အချက်အလက်များကို ဝင်ရောက်သုံးစွဲ၊ ထိန်းသိမ်း၍ အသုံးပြုကာ မျှဝေပါသည်-
- ရှာဖွေခွင့် ဝရမ်းများ၊ တရားရုံးအမိန့်များ၊ ထုတ်လုပ်မှု အမိန့်များ သို့မဟုတ် ဆင့်ခေါ်စာများကဲ့သို့သော ဥပဒေဆိုင်ရာ တောင်းဆိုမှုများကို တုံ့ပြန်ရန်အလို့ငှာ။ ဤတောင်းဆိုမှုများကို အရပ်ဘက် တရားစွဲဆိုသူများ၊ ဥပဒေစိုးမိုးရေးနှင့် အခြားအစိုးရအာဏာပိုင်များကဲ့သို့ ကြားခံပြင်ပအဖွဲ့များ ထံမှ ရရှိပါသည်။ ဥပဒေဆိုင်ရာ တောင်းဆိုမှုများကို ကျွန်ုပ်တို့ တုံ့ပြန်သည့်အချိန်အကြောင်း ပိုမိုလေ့လာပါ။
- သက်ဆိုင်ရာ ဥပဒေနှင့်အညီ
- Meta ထုတ်ကုန်များ၊ အသုံးပြုသူများ၊ ဝန်ထမ်းများ၊ ပိုင်ဆိုင်မှုနှင့် အများပြည်သူ၏ အန္တရာယ်ကင်းရှင်းရေး၊ ဘေးကင်းလုံခြုံရေးနှင့် သမာသမတ်ရှိမှုတို့ကို အားပေးမြှင့်တင်ရန်။ ပိုမိုလေ့လာပါ။
ကျွန်ုပ်တို့သည် သင့်အချက်အလက်များကို ထပ်တိုးအချိန်ကာလတစ်ခုကြာ ဝင်ရောက်သုံးစွဲနိုင် သို့မဟုတ် ထိန်းသိမ်းထားနိုင်သည်။ ပိုမိုလေ့လာပါ။
မူဝါဒပြောင်းလဲသွားသည်ကို သင်မည်သို့သိနိုင်မည်နည်း။
ဤမူဝါဒတွင် အရေးကြီးသော ပြောင်းလဲမှုများ မပြုလုပ်မီ သင့်အား ကျွန်ုပ်တို့ သတိပေးပါမည်။ ကျွန်ုပ်တို့၏ ထုတ်ကုန်များကို ဆက်လက်အသုံးပြုရန် မရွေးချယ်မီ ပြန်လည်ပြင်ဆင်ထားသော မူဝါဒကို စိစစ်သုံးသပ်ရန် သင့်တွင် အခွင့်အရေးရှိပါမည်။
အမေရိကန်ပြည်ထောင်စုတွင် နေထိုင်သူများအတွက် ကိုယ်ရေးလုံခြုံမှုသတိပေးချက်
အမေရိကန်ပြည်ထောင်စု ဒေသဆိုင်ရာ ကိုယ်ရေးလုံခြုံမှုသတိပေးချက်ကို စိစစ်သုံးသပ်ခြင်းဖြင့် သင့်အတွက် ရရှိနိုင်သော သုံးစွဲသူ ကိုယ်ရေးလုံခြုံမှု အခွင့်အရေးများအကြောင်း ပိုမိုလေ့လာနိုင်သည်။
Meta ကို ဆက်သွယ်မေးမြန်းပုံ
သင်သည် Facebook ၊ Instagram နှင့် Facebook အကူအညီစင်တာတို့တွင် ကိုယ်ရေးလုံခြုံမှု အလုပ်လုပ်ပုံအကြောင်း ပိုမိုလေ့လာနိုင်ပါသည်။ ဤမူဝါဒနှင့်ပတ်သက်၍ သင့်တွင် မေးစရာများရှိပါက သို့မဟုတ် သင့်အချက်အလက်များနှင့် ပတ်သက်၍ သင့်တွင် မေးစရာများ၊ တိုင်ကြားမှုများ သို့မဟုတ် တောင်းဆိုမှုများရှိပါက အောက်တွင်ဖော်ပြထားသည့်အတိုင်း ကျွန်ုပ်တို့ကို ဆက်သွယ်နိုင်ပါသည်။
သင်သည် ကျွန်ုပ်တို့ကို အွန်လိုင်းမှတစ်ဆင့်ဖြစ်စေ၊ အောက်ပါအတိုင်း လိပ်မူပြီး စာပို့၍ဖြစ်စေ ဆက်သွယ်နိုင်ပါသည်-
Meta Platforms, Inc.
ATTN: Privacy Operations
1601 Willow Road
Menlo Park, CA 94025
သင့်အချက်အလက်ကို ကျွန်ုပ်တို့ စီမံဆောင်ရွက်ရသော အကြောင်းရင်းနှင့် စီမံဆောင်ရွက်ပုံ
ကျွန်ုပ်တို့အသုံးပြုသည့် အချက်အလက် အမျိုးအစားများနှင့် ၎င်းတို့ကို စီမံဆောင်ရွက်ရသည့် အကြောင်းရင်းနှင့် စီမံဆောင်ရွက်ပုံတို့ကို အောက်တွင် ဖော်ပြထားပါသည်-
သင့်အချက်အလက်ကို ကျွန်ုပ်တို့ စီမံဆောင်ရွက်ရသော အကြောင်းရင်းနှင့် စီမံဆောင်ရွက်ပုံ | ကျွန်ုပ်တို့အသုံးပြုသော အချက်အလက် အမျိုးအစားများ (အချက်အလက် အမျိုးအစားတစ်ခုစီနှင့် ပတ်သက်၍ ပိုမိုသိရှိရန် 'မည်သည့်အချက်အလက်များကို ကျွန်ုပ်တို့စုစည်းရယူသလဲ' ကို ကြည့်ပါ)။ ကျွန်ုပ်တို့အမှန်တကယ် အသုံးပြုသော အချက်အလက်များသည် သင်၏ ဖြစ်ရပ်မှန် အခြေအနေများအပေါ် မူတည်သော်လည်း အောက်ဖော်ပြပါ အခြေအနေတစ်ခုခု ပါဝင်နိုင်ပါသည်-
|
|---|---|
Meta ထုတ်ကုန်များ (ကြော်ငြာများမှလွဲ၍၊ အောက်တွင် ကြည့်ပါ) ကို ကိုက်ညီအောင်ပြင်ဆင်ခြင်း- Meta ထုတ်ကုန် အားလုံးတွင် ကျွန်ုပ်တို့၏ စည်းမျဉ်းများနှင့်အညီ သင်၏ စိတ်ဝင်စားမှုများနှင့် စိတ်ကြိုက်သတ်မှတ်ချက်များကို အကဲဖြတ်ဆန်းစစ်၍ နားလည်နိုင်စေရန်နှင့် သင့်စိတ်ကြိုက်ပြုလုပ်ထားသည့် ဖန်တီးတင်ဆက်မှုပုံစံများကို သင့်အား ပံ့ပိုးပေးရန်အတွက် ကျွန်ုပ်တို့ စုစည်းရယူပြီး သိမ်းဆည်းသော သင်နှင့် အခြားသူများနှင့် ဆက်စပ်သည့် အချက်အလက်များကို ကျွန်ုပ်တို့၏ စနစ်များက အလိုအလျောက် စီမံဆောင်ရွက်ပါသည်။ ဤသည်မှာ အောက်ပါတို့ကို ကျွန်ုပ်တို့ဆောင်ရွက်ပုံဖြစ်ပါသည်-
Meta ထုတ်ကုန်များပေါ်နှင့် ထုတ်ကုန်အားလုံးတွင် သင်၏ ဖန်တီးတင်ဆက်မှုပုံစံကို သင့်စိတ်ကြိုက်သတ်မှတ်နိုင်ရန်အတွက် သင်နှင့်ပတ်သက်သည့် အချက်အလက်များကို ကျွန်ုပ်တို့အသုံးပြုပုံနှင့် သင်တွေ့မြင်နေရသော ကြော်ငြာများအား ကျွန်ုပ်တို့ရွေးချယ်ပုံတို့အကြောင်း ပိုမိုလေ့လာပါ။ |
|
Meta ထုတ်ကုန်များပေါ်တွင် ကြော်ငြာများပံ့ပိုးပေးခြင်း- ကျွန်ုပ်တို့၏ ကြော်ငြာစနစ်သည် သင်နှင့်ဆက်စပ်၍ ကျွန်ုပ်တို့ စုစည်းရယူပြီး သိမ်းဆည်းထားသည့် အချက်အလက်များကို အလိုအလျောက် စီမံဆောင်ရွက်ပါသည်။ ကျွန်ုပ်တို့၏ ကြော်ငြာစနစ်သည် သင့်စိတ်ဝင်စားမှုများနှင့် သင့်စိတ်ကြိုက်သတ်မှတ်ချက်များကို နားလည်ရန်အပြင် Meta ထုတ်ကုန်အသီးသီးတွင် သင့်ကြော်ငြာများကို ကိုက်ညီအောင် ပြင်ဆင်ရန် ဤအချက်အလက်များကို အသုံးပြုသည်။ ကျွန်ုပ်တို့၏ ကြော်ငြာစနစ်သည် ကြော်ငြာသူများက ပျံ့နှံ့ရောက်ရှိစေလိုသည့် ပရိသတ်ပေါ်အခြေခံ၍ သင့်အား ပြသမည့် ကြော်ငြာကို ဦးစားပေးသည်။ ထို့နောက် စိတ်ဝင်စားနိုင်ခြေရှိသူများကို ရှာဖွေ၍ ကြော်ငြာကို ၎င်းတို့ထံ ပြသပေးပါသည်။ ကျွန်ုပ်တို့၏ ကြော်ငြာစနစ် အလုပ်လုပ်ပုံအကြောင်း ပိုမိုလေ့လာပါ |
|
ကျွန်ုပ်တို့၏ Meta ထုတ်ကုန်များကို ပံ့ပိုးပေးခြင်းနှင့် ပိုမိုကောင်းမွန်အောင် ဆောင်ရွက်ခြင်း- Meta ထုတ်ကုန်များကို ပံ့ပိုးပေးရာတွင် အောက်ပါတို့ကို ဆောင်ရွက်ရန်အတွက် စုဆောင်းခြင်းနှင့် သိမ်းဆည်းခြင်းတို့သာမက ဆက်စပ်မှုရှိပါက မျှဝေခြင်း၊ ကိုယ်ရေးမှတ်တမ်း ပြုစုခြင်း၊ စိစစ်သုံးသပ်ခြင်းနှင့် ရွေးချယ်စုစည်း ထိန်းသိမ်းခြင်းတို့အပြင် အချို့သော ဖြစ်ရပ်များတွင် အလိုအလျောက် စီမံဆောင်ရွက်ခြင်းနှင့် လူကိုယ်တိုင် (လူသား) စိစစ်သုံးသပ်ခြင်းများလည်း ပါဝင်သည်-
ကျွန်ုပ်တို့သည် ကျွန်ုပ်တို့၏ ထုတ်ကုန်များကို တီထွင်ဖန်တီးရန်၊ သုတေသနပြုလုပ်ရန်နှင့် မွမ်းမံမှုများကို စမ်းသပ်စစ်ဆေးရန်အတွက်လည်း အချက်အလက်ကို အသုံးပြုပါသည်။ အောက်ပါတို့ကို လုပ်ဆောင်ရန်အတွက် ကျွန်ုပ်တို့တွင်ရှိသော အချက်အလက်များကို အသုံးပြုပါသည်-
|
|
Meta ထုတ်ကုန်များပေါ်တွင်နှင့် ထုတ်ကုန်အားလုံးတွင် အန္တရာယ်ကင်းရှင်းရေး၊ သမာသမတ်ကျမှုနှင့် ဘေးကင်းလုံခြုံရေးတို့ကို အားပေးမြှင့်တင်ရန်- Meta ထုတ်ကုန်များအား အဆိုပါဝန်ဆောင်မှုများနှင့် Meta ထုတ်ကုန်များပေါ်တွင်နှင့် ပြင်ပရှိ ၎င်းတို့ကို နှစ်သက်သဘောကျသူများ၏ အန္တရာယ်ကင်းရှင်းရေး၊ သမာသမတ်ကျမှုနှင့် ဘေးကင်းလုံခြုံရေးတို့အား ကူညီထိန်းသိမ်းပေးရန်အတွက် ပုံဖော်ဖန်တီးထားပါသည်။ အောက်ပါတို့ကို လုပ်ဆောင်ရန်အတွက် ကျွန်ုပ်တို့တွင်ရှိသော သင်နှင့်ဆက်စပ်သည့် အချက်အလက်များကို စီမံဆောင်ရွက်သည့်အပြင် အလိုအလျောက် စီမံဆောင်ရွက်မှု နည်းစနစ်များကိုလည်း အသုံးချလျက်ရှိပြီး အချို့သော ဖြစ်ရပ်များတွင် လူကိုယ်တိုင် (လူသား) စိစစ်သုံးသပ်မှုကို ဆောင်ရွက်ပါသည်-
ယေဘုယျအားဖြင့် Meta ထုတ်ကုန်များတွင် အန္တရာယ်ကင်းရှင်းရေး၊ သမာသမတ်ကျမှုနှင့် ဘေးကင်းလုံခြုံရေးအကြောင်း နောက်ထပ်အချက်အလက်များကို သိရှိရန် Facebook ဘေးကင်းလုံခြုံရေးဆိုင်ရာ အကူအညီစင်တာ နှင့် Instagram ဘေးကင်းလုံခြုံရေးဆိုင်ရာ အကြံပြုချက်များ ကို ဝင်ကြည့်ပါ။ |
|
သင်နှင့် ဆက်သွယ်ရန်- ကျွန်ုပ်တို့သည် အီးမေး သို့မဟုတ် ထုတ်ကုန်ပါ အသိပေးချက်ကဲ့သို့ သင့်ထံ ဆက်သွယ်မှုတစ်ခု ပေးပို့ရန်အတွက် (သင့်ပရိုဖိုင်တွင် သင်ထည့်သွင်းထားသည့် ဆက်သွယ်ရန်အချက်အလက်ကဲ့သို့) ကျွန်ုပ်တို့အား သင်ပေးထားသည့် အချက်အလက်ကို ကျွန်ုပ်တို့အသုံးပြုပါသည်။ ဥပမာ-
ကျွန်ုပ်တို့ထံ သင်ဆက်သွယ်သောအခါ အကြောင်းပြန်ရန်အတွက် သင်၏ အီးမေးလိပ်စာကဲ့သို့သော ဆက်သွယ်ရန် အချက်အလက်များကိုလည်း ကျွန်ုပ်တို့အသုံးပြုပါသည်။ |
|
သင့်အချက်အလက်များအား အမေရိကန်ပြည်ထောင်စုနှင့် အခြားနိုင်ငံများသို့နှင့် ၎င်းတို့မှ အပါအဝင် နယ်စပ်ဖြတ်ကျော်၍ လွှဲပြောင်းပေးပို့ခြင်း၊ ယင်းနေရာများတွင် သိမ်းဆည်းခြင်း သို့မဟုတ် စီမံဆောင်ရွက်ခြင်း- ကျွန်ုပ်တို့ စုစည်းရယူသည့် အချက်အလက်များကို ကျွန်ုပ်တို့၏ ရုံးများနှင့် ဒေတာစင်တာများအတွင်းနှင့် ပြင်ပမှ ကျွန်ုပ်တို့၏ မိတ်ဖက်များ၊ ကြားခံပြင်ပအဖွဲ့များနှင့် ဝန်ဆောင်မှုပေးသူများထံ တစ်ကမ္ဘာလုံးအတိုင်းအတာဖြင့် မျှဝေပါသည်။ Meta သည် ကမ္ဘာတစ်ဝန်းမှ အသုံးပြုသူများ၊ မိတ်ဖက်များ၊ ဝန်ဆောင်မှုပေးသူများနှင့် ဝန်ထမ်းများဖြင့် တစ်ကမ္ဘာလုံးတွင် လည်ပတ်လုပ်ဆောင်နေသောကြောင့် အောက်ပါကိစ္စရပ်များအတွက် လွှဲပြောင်းပေးပို့မှုများကို လိုအပ်ပါသည်-
နောက်ထပ်အချက်အလက်များ သိရှိရန် Meta ကိုယ်ရေးလုံခြုံမှုဆိုင်ရာ မူဝါဒ၏ "အချက်အလက်များကို ကျွန်ုပ်တို့ မည်သို့ လွှဲပြောင်းသနည်း" အပိုင်းကို ကြည့်ပါ။ |
|
သင်ပေးအပ်သည့် အထူးကာကွယ်ထားသော အချက်အလက်များကို သင်ရွေးချယ်ထားသော သူများထံ ကျွန်ုပ်တို့မျှဝေပေးနိုင်ရန်၊ ကျွန်ုပ်တို့၏ ထုတ်ကုန်များကို ပံ့ပိုးပေးရန်၊ သင့်စိတ်ကြိုက်သတ်မှတ်ပေးရန်နှင့် တိုးတက်အောင် လုပ်ဆောင်ရန်အပြင် ခွဲခြမ်းစိတ်ဖြာမှုများကို လုပ်ဆောင်နိုင်ရန် သက်ဆိုင်ရာ ဥပဒေများအရ ယင်းအချက်အလက်များအား စီမံဆောင်ရွက်ခြင်း။ ဤရည်ရွယ်ချက်များအတွက် စုစည်းရယူခြင်း၊ သိမ်းဆည်းခြင်း၊ ဖြန့်ချိခြင်း၊ အလိုအလျောက် စီမံဆောင်ရွက်မှု သို့မဟုတ် တစ်ခါတစ်ရံ လူကိုယ်တိုင် (လူ) စီမံဆောင်ရွက်မှုတို့ကို အသုံးချခြင်းများအား ကျွန်ုပ်တို့ပြုလုပ်ပါမည်။ |
|
သင်မြင်တွေ့ရသော ကြော်ငြာများကို သင်နှင့်ကိုက်ညီမှုရှိအောင် စီမံဆောင်ရွက်ပေးရန် ကြားခံပြင်ပအဖွဲ့များထံမှ အချက်အလက်များကို လက်ခံရရှိခြင်းနှင့် အသုံးပြုခြင်း- Meta ထုတ်ကုန်များ ပြင်ပရှိ လှုပ်ရှားဆောင်ရွက်မှုနှင့် ပတ်သက်၍ ကြော်ငြာသူများ၊ လုပ်ငန်းများနှင့် အခြားမိတ်ဖက်များက ကျွန်ုပ်တို့ သင်နှင့်ဆက်စပ်ဖော်ပြထားထံ ပံ့ပိုးပေးသည့် အချက်အလက်များနှင့် Meta ထုတ်ကုန်များ၊ ဝက်ဘ်ဆိုက်များ၊ အက်ပ်များနှင့် ကျွန်ုပ်တို့၏ ကြော်ငြာဝန်ဆောင်မှုများကို အသုံးပြုသည့် ဖုန်း/ကွန်ပျူတာများပေါ်တွင် သင့်အား ပြသသော ကြော်ငြာများကို စိတ်ကြိုက်သတ်မှတ်ရန် ကျွန်ုပ်တို့တွင်ရှိသော သင်နှင့်ဆက်စပ်သည့် အချက်အလက်များကို အသုံးပြုပါမည်။ သင်လော့ဂ်အင်ဝင်ထားခြင်းရှိ၊ မရှိ သို့မဟုတ် ကျွန်ုပ်တို့၏ ထုတ်ကုန်များပေါ်တွင် သင့်အကောင့်ရှိ၊ မရှိ ဤအချက်အလက်များကို ကျွန်ုပ်တို့ လက်ခံရယူပါသည်။ နောက်ထပ်အချက်အလက်များ သိရှိရန် ကွတ်ကီးမူဝါဒ ကို ကြည့်ပါ။ |
|
သင်၏ တောင်းဆိုမှုအရ ကြားခံပြင်ပအဖွဲ့များထံသို့ သင်၏ အဆက်အသွယ်၊ ပရိုဖိုင် သို့မဟုတ် အခြားအချက်အလက်များကို မျှဝေခြင်း- မျှဝေပေးသော ကြားခံပြင်ပအဖွဲ့ အမျိုးအစားနှင့် အချက်အလက် အမျိုးအစားများသည် မျှဝေပေးရန်အတွက် ကျွန်ုပ်တို့ထံ သင်တောင်းဆိုသော အခြေအနေများအပေါ်တွင် မူတည်ပါသည်။ ဥပမာ-
|
|
တိုင်းတာမှု၊ ခွဲခြမ်းစိတ်ဖြာမှုနှင့် စီးပွားရေးလုပ်ငန်းဝန်ဆောင်မှုများကို ပံ့ပိုးပေးခြင်း- သင်နှင့် အခြားသူများအကြောင်း ကျွန်ုပ်တို့ စုစည်းရယူ၍ သိမ်းဆည်းထားသည့် အချက်အလက်များကို ကျွန်ုပ်တို့၏ စနစ်များက အလိုအလျောက် စီမံဆောင်ရွက်သည့်အပြင် ကိုယ်တိုင် (လူကိုယ်တိုင်) စီမံဆောင်ရွက်ခြင်းအချို့လည်း ပြုလုပ်ပါသည်။ အောက်ပါတို့ကို လုပ်ဆောင်ရန်အတွက် ဤအချက်အလက်များကို ကျွန်ုပ်တို့ အသုံးပြုပါသည်-
|
|
Meta ၏ ကုမ္ပဏီများအားလုံးတွင် အချက်အလက်များ မျှဝေခြင်း-
|
|
လုပ်ငန်းပိုင်းဆိုင်ရာ အသိဉာဏ်နှင့် ဆန်းစစ်အကဲဖြတ်မှု-
|
|
အခြားအက်ပ်များကို သင်ဝင်ကြည့်သည့်အခါ Meta Audience Network မှတစ်ဆင့် သင့်အား Meta ထုတ်ကုန် အသုံးပြုသူတစ်ဦးအဖြစ် ခွဲခြားဖော်ထုတ်ခြင်းနှင့် သင့်အား ကျွန်ုပ်တို့ပြသော ကြော်ငြာများကို စိတ်ကြိုက်သတ်မှတ်ခြင်း-
|
|
ဈေးကွက်ရှာဖွေရေးဆိုင်ရာ ဆက်သွယ်ပြောဆိုမှုများကို သင့်ထံ ပေးပို့ခြင်း-
|
|
လူမှုအကျိုးပြု ကိစ္စရပ်များအတွက် သုတေသနလုပ်ခြင်းနှင့် ဆန်းသစ်တီထွင်ခြင်း -
ကျွန်ုပ်တို့၏ သုတေသန အစီအစဉ်များအကြောင်း ပိုမိုလေ့လာပါ။ |
|
သင့်အချက်အလက်များကို ပိုင်ရှင်မည်သူမည်ဝါမသိအောင် လျှို့ဝှက်ခြင်း အချို့အခြေအနေများတွင် ဥပမာအားဖြင့် ကြော်ငြာများအပါအဝင် ကျွန်ုပ်တို့၏ Meta ထုတ်ကုန်များကို ပံ့ပိုးပေးရန်နှင့် တိုးတက်အောင် လုပ်ဆောင်ရန်အတွက် ကျွန်ုပ်တို့သည် ကျွန်ုပ်တို့၏ ထုတ်ကုန်များပေါ်နှင့် ပြင်ပရှိ သင်၏ လှုပ်ရှားဆောင်ရွက်မှုကဲ့သို့ သင်နှင့်ဆက်စပ်သည့် ကျွန်ုပ်တို့တွင်ရှိသော အချက်အလက်ကို မည်သူမည်ဝါမဖော်နိုင်အောင် ပြုလုပ်ပြီး ကျန်ရှိသောအချက်အလက်ကို အသုံးပြုပါသည်။ |
|
ဥပဒေရေးရာ တောင်းဆိုမှုများကို တုံ့ပြန်ရန်နှင့် ဥပဒေစိုးမိုးရေးအဖွဲ့များ အပါအဝင် အခြားသူများထံ အချက်အလက်မျှဝေခြင်း။ ဥပဒေစိုးမိုးရေး အဖွဲ့များနှင့် အခြားသူများထံ အချက်အလက်များကို မည်သည့်အချိန်တွင် ကျွန်ုပ်တို့မျှဝေကြောင်း အချက်အလက်များကို ပိုမိုသိရှိရန် Meta ကိုယ်ရေးလုံခြုံမှုဆိုင်ရာ မူဝါဒ၏ "ဥပဒေရေးရာ တောင်းဆိုချက်များကို တုံ့ပြန်ရန်၊ အန္တရာယ်များကို တားဆီးရန်၊ အန္တရာယ်ကင်းရှင်းရေးနှင့် သမာသမတ်ကျမှုကို အားပေးမြှင့်တင်ရန် ကျွန်ုပ်တို့မည်သို့ဆောင်ရွက်သလဲ" အပိုင်းကို ကြည့်ပါ။ ကျွန်ုပ်တို့ ဝင်ရောက်အသုံးပြုသော၊ ထိန်းသိမ်းသော၊ အသုံးပြုသော၊ မျှဝေသော အချက်အလက် အမျိုးအစားများသည် သီးခြားအခြေအနေများပေါ်တွင် မူတည်သည်။ ဥပမာအားဖြင့် ဥပဒေအရ မဖြစ်မနေလုပ်ဆောင်ရမည် မဟုတ်သည့် ဥပဒေရေးရာ တောင်းဆိုချက်များအတွက် တုံ့ပြန်မှုများတွင် ပုံမှန်အားဖြင့် (ဆက်သွယ်ရန်အချက်အလက်များနှင့် လော့ဂ်အင်ဝင်မှု အချက်အလက်များကဲ့သို့) ကန့်သတ်ထားသော အချက်အလက်များ ပါဝင်နိုင်သည်။ သို့သော် ကျွန်ုပ်တို့ စီမံဆောင်ရွက်သော အချက်အလက်သည် ရည်ရွယ်ချက်များအပေါ် မူတည်ပြီး ယင်းရည်ရွယ်ချက်များတွင် အောက်ပါတို့ ပါဝင်နိုင်သည်-
အန္တရာယ်ကင်းရှင်းရေး၊ ဘေးကင်းလုံခြုံရေးနှင့် သမာသမတ်ကျမှုတို့ကို ကျွန်ုပ်တို့အားပေးမြှင့်တင်ပုံအကြောင်း ပိုမိုလေ့လာပါ။ |
|
အောက်ပါတို့ကဲ့သို့ ဥပဒေအရ လိုအပ်လာသည့်အခါ အချက်အလက်များကို စီမံဆောင်ရွက်ခြင်းအတွက်- အချက်အလက်များကို ထုတ်ဖော်ရန် တာဝန်ဝတ္တရား ရှိသည့်အခါ ဥပမာအားဖြင့် အချို့သော အချက်အလက်များအတွက် ရှာဖွေမှုဝရမ်းကဲ့သို့ ခိုင်လုံသည့် ဥပဒေဆိုင်ရာ တောင်းဆိုမှုကို ကျွန်ုပ်တို့ လက်ခံရရှိသည့်အခါ ကျွန်ုပ်တို့က သင့်အချက်အလက်များကို ဝင်ရောက်သုံးစွဲပြီး ထိန်းသိမ်းပါမည် နှင့်/သို့မဟုတ် စည်းကမ်းထိန်းသိမ်းရေးအဖွဲ့များ၊ ဥပဒေစိုးမိုးရေးအဖွဲ့များ သို့မဟုတ် အခြားသူများထံ မျှဝေပါမည်။ အချက်အလက်များကို စီမံဆောင်ရွက်မည့်နည်းလမ်းသည် အခြေအနေတစ်ခုချင်းပေါ် မူတည်သည်။ ပိုမိုသိရှိရန် Meta ကိုယ်ရေးလုံခြုံမှုဆိုင်ရာ မူဝါဒ၏ "ဥပဒေဆိုင်ရာ တောင်းဆိုမှုများကို တုံ့ပြန်ရန်၊ အန္တရာယ်ကို တားဆီးရန်နှင့် အန္တရာယ်ကင်းရှင်းရေးနှင့် သမာသမတ်ကျမှုကို အားပေးမြှင့်တင်ရန် ကျွန်ုပ်တို့မည်သို့ဆောင်ရွက်ပါသလဲ" ဟူသော အပိုင်းကို ကြည့်ပါ။ "ဥပဒေစိုးမိုးရေး အာဏာပိုင်များအတွက် အချက်အလက်များ" တွင် ဥပဒေစိုးမိုးရေး အဖွဲ့က လိုက်နာရန်လိုအပ်သော လုပ်ငန်းဆောင်ရွက်မှုပိုင်းဆိုင်ရာ လမ်းညွှန်ချက်များအတွက် အချက်အလက်များကို ဖော်ပြပေးထားပါသည်။ | အချက်အလက် အမျိုးစားများသည် ဥပဒေသတ်မှတ်ချက်များအရ မဖြစ်မနေလုပ်ဆောင်ရသော တောင်းဆိုမှု သို့မဟုတ် တာဝန်ဝတ္တရားတစ်ခုစီ၏ တိကျသော အခြေအနေများပေါ်တွင် မူတည်သည်။ သက်ဆိုင်သည့် ဥပဒေရေးရာ တာဝန်ဝတ္တရားကို လိုက်နာရန် လိုအပ်သည့် အချက်အလက်များကိုသာ မျှဝေပါမည် သို့မဟုတ် အခြားနည်းအားဖြင့် စီမံဆောင်ရွက်ပါမည်။ ဥပမာအားဖြင့် တရားမရေးရာ ကိစ္စရပ်များအတွက် ဤအရာတို့တွင် ပုံမှန်အားဖြင့် ကန့်သတ်ထားသော အချက်အလက်များ (ဆက်သွယ်ရန် အသေးစိတ်အချက်အလက်များနှင့် လော့ဂ်အင်ဝင်မှုအချက်အလက်များ ကဲ့သို့) ပါဝင်ပါမည်။ သို့ရာတွင် အခြေအနေများအပေါ် မူတည်၍ ၎င်းတွင် အောက်ပါတို့ ပါဝင်နိုင်ပါသည်-
|