[GUEST]本人係中學生 ，而我最近無時無刻都好擔心， 因為我有個好朋友 ，因為家庭原因 ，同種種既理由， 最近情緒變得好差 ，唔滿意就大喊。之前因為家庭問題， 朋友同佢親人同我講， 佢離家出走， 個時我好擔心 ，好驚佢會有咩危險， 或者有啲咩睇唔開既念頭 ，我不斷打電話俾佢， 但佢電話關左， 我一路打一路震 ，之後佢都有返屋企 。之後同佢傾 ， 佢對人生無咩希望 ， 疫情停學咩功課都無做過 ， 計劃畢業之後去內地生活 ， 離開父母 ， 之後再係因為家庭原因 ，做左一啲自殘行為 ，通過朋友了解後 ， 發現佢不斷用刀傷害自己 ，我好驚可能會無左個朋友 ， 好在佢肯聽我電話。同佢傾左陣 ， 停止傷害自己 雖然每次佢都無咩大礙 ，但係我宜家一路都好驚朋友同佢啲親人搵我同我講佢有事 ， 如果下次無咁好才 可能會失去左個朋友， 我好想為佢做啲野 ， 但係又唔知可以做咩?圖片來自Google